Տղամարդը դյուրավառ նյութով իր աղջկա հետ փորձել է մտնել կառավարության շենք եւ ինքնահրկիզվել

Երեւանում, փետրվարի 19-ին, արտակարգ դեպք է տեղի ունեցել. մի քաղաքացի իր աղջկա հետ փորձել է մտնել կառավարության շենք եւ ի նշան բողոքի՝ ինքնահրկիզվել։

Shamshyan.com-ի փոխանցմամբ, բարեբախտաբար, տեղում ծառայություն կատարող ոստիկանության ծառայողները նկատել են այդ տղամարդուն, մոտեցել եւ հոգեբանական բանակցություններ վարելու արդյունքում կարողացել են համոզել, որ տղամարդը այդ ծայրահեղ քայլին չդիմի։

Աղբյուրի տեղեկություններով՝ այնուհետեւ ՊՊԾ գնդի 1-ին վաշտի ծառայողները նրան տեղափոխել են ոստիկանության կենտրոնական բաժին, ում մոտ հայտնաբերվել է դյուրավառ նյութ, որով նա փորձել է կառավարության շենք մտնելուց հետո հրկիզել իրեն;

Աղբյուրը հայտնում է, որ այդ քաղաքացին Գյումրի քաղաքի բնակիչ 54-ամյա Հարություն Պ.-ն է, ով ինչ-որ խնդիրներ է ունեցել եւ իր աղջկա հետ այցելել է կառավարության շենք։ Փաստի առթիվ ոստիկանության կենտրոնական բաժնի հետաքննչական բաժանմունքում նյութեր են նախապատրաստվում։

Այս թեմայով Երևանում իրանցի 36-ամյա տղամարդը սպառնացել է ինքնահրկիզվել և փորձել է խոչընդոտել ԱԱԾ աշխատակիցների աշխատանքը Ռեստորանի մոտ կռիվ է տեղի ունեցել․ 5 վիրավոր կա Պայթյուն Վարդաշենի շենքերից մեկում. ընտանիքի անդամներ են հիվանդանոց տեղափոխվել Ջրվեժում բախվել են «Mercedes»-ը և «Opel Zafira»-ն. կան վիրավորներ Քաղցրաշեն գյուղում մտել են բնակչի տուն և գողացել մեծ թվով ոսկյա զարդեր և գումար․ պատճառվել է մոտ 6 մլն դրամի վնաս