Գյուղատնտեսության քայքայման մեջ մեղավոր է Հայաստանի կառավարությունը. փորձագետ
Գյուղատնտեսության քայքայման մեջ մեղավոր է Հայաստանի կառավարությունը։ Այս մասին փետրվարի 20-ին լրագրողների հետ հանդիպմանն ասել է Հայաստանի ագրարագյուղացիական միավորման նախագահ Հրաչյա Բերբերյանը։
Նրա խոսքով՝ գյուղատնտեսության համակարգում անարդյունավետ աշխատանքի հարցը իշխանությունները «լուծեցին»՝ վերացնելով նախարարությունը, ինչը կհանգեցնի վատ հետեւանքների։ «Գյուղատնտեսությունն ապահովում է երկրի ՀՆԱ առնվազն 25 տոկոսը։ Այնպիսի զարգացած արդյունաբերական պետությունում, ինչպիսին ԱՄՆ-ն է, գյուղատնտեսության նախարարությունը 7 կարեւոր գերատեսչություններից մեկն է։ Իսկ մեր կառավարությունը պաշտոնյաների անգործունակության պատճառով որոշեց պարզապես լուծարել այն»,- նշել է նա։
Փորձագետն ավելացրել է, որ գյուղատնտեսության ապահովագրման նախագիծը գործարկելու համար հարկավոր է ոլորտը բերել կատարյալ վիճակի, մասնավորապես՝ լուծելով հակակարկտային համակարգի խնդիրները։ «Բացի այդ, ջրամբարները, որոնք նախատեսված են գյուղատնտեսական կարիքների համար, հաճախ օգտագործվում են էլեկտրաէներգիայի արտադրության համար»,- հավելել է նա։
Հրաչյա Բերբերյանը նշել է, որ գյուղատնտեսության ֆինանսավորման խնդրի լուծում կլիներ որոշակի ֆինանսավորման հատկացումը՝ 1 հա հողի հաշվարկով, ինչպես արվում է Վրաստանում։ «Գյուղացիներին աջակցելու համար հարկավոր է ոչ թե բանկերին սուբսիդիաներ տրամադրել, այլ գյուղացիներին»,- ամփոփել է նա։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս