Վարչապետի՞, թե՞ քաղաքապետի օգնական
Երեւանի քաղաքապետ Հայկ Մարությանի ընկեր, նախկին ՈՒՀԱ-ի (Ուրախների եւ հնարամիտների ակումբ) «Նոր հայեր» խմբի անդամ Արտակ Գասպարյանը (Արտաչոկ), որը բավականին հաջողակ բիզնեսմեն է Ռուսաստանում, եւ ում ջանքերի շնորհիվ նաեւ Մարությանը քաղաքապետ դարձավ, հաճախ ներկա է լինում քաղաքապետարանում հրավիրվող խորհրդակցություններին, քննարկումներին։ Մասնակիցները չեն հասկանում, թե ինչ կարգավիճակ ունի նա եւ ինչու է շարունակ Մարությանի կողքին։
Այսինքն, դե ֆակտո քաղաքապետի խորհրդականի կամ օգնականի ֆունկցիա է իրականացնում՝ ոչ մի ստատուս չունենալով։ Երեկ մենք փորձեցինք անձամբ նրանից ճշտել, թե ինչ կարգավիճակով է մասնակցում քաղաքապետի խորհրդակցություններին։ Նա նախ հաստատեց, որ ինքը Մարությանի ընկերն է։ Քաղաքապետարանում որեւէ կարգավիճակ, պաշտոն ունե՞ք, Գասպարյանը փորձեց խուսափել հարցին պատասխանելուց՝ նշելով, որ մենք իրեն հեռախոսով ենք զանգել, եւ ինքը չգիտի՝ ով է զանգողը, որտեղից։ Ապա ասաց, որ քաղաքապետարանում չի աշխատում, որեւէ պաշտոն, կարգավիճակ չունի։
Այդ դեպքում որպես ի՞նչ եք մասնակցում քաղաքապետի հրավիրած խորհրդակցություններին՝ հետաքրքրվեցինք մենք։ Նա մի պահ պաուզա տվեց, ապա հանկարծ հիշեց․ «Ես վարչապետի օգնականն եմ»։ Այսինքն՝ վարչապետի հանձնարարությա՞մբ եք մասնակցում քաղաքապետարանի խորհրդակցություններին։
Այստեղ նա նորից հիշեց, որ մեզ չի ճանաչում․ «Այ, մնացածը ես Ձեզ պետք է ճանաչեմ, որ կարողանամ լիարժեք պատասխանել Ձեր հարցին, որովհետեւ ես չգիտեմ ով ա զանգում»։ Մենք նրա անունը գտանք կառավարության կայքում՝ իրոք Նիկոլ Փաշինյանի օգնական է նշանակվել 2018-ի հոկտեմբերի 18-ին։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս