«Լռեցնելու միջոց». Կոտայքի մարզպետը դատի է տվել նախկին մարզպետի օգնականին
Կոտայքի մարզպետ Ռոմանոս Պետրոսյանը դատի է տվել նախկին մարզպետի՝ Կարապետ Գուլոյանի օգնական Հերմինե Ադամյանին՝ իր ֆեյսբուքյան էջում Կոտայքի նոր մարզպետի գործունեությանը պարբերաբար անդրադառնալու համար։
NEWS.am-ի հետ զրույցում Հերմինե Ադամյանը չհերքեց, որ իր ֆեյսբուքյան էջի միջոցով անդրադարձել է մարզպետին, ասաց, որ դա չի կրել անձնական բնույթ, եղել է զուտ աշխատանքային անդրադարձ. «Ըստ իրեն՝ պատահական տեսել է եւ 6-7 ամսվա վաղեմություն ունեցող հրապարակումները ամբողջացրել 68 դրվագով, դիմել դատարան: Թե որքանով են իմ գրառումներն իրեն վիրավորել, ես չեմ պատկերացնում: Ասենք, եթե ես իմ էջում գրում եմ, որ Կոտայքի մարզպետարանի աշխատակիցները, ընդ որում պաշտոնական կայքէջից վերցնում եմ կարգադրությունները, հղումը տալիս եմ, պարգեւավճար են ստացել՝ աշխատելով մեկուկես ամիս, ինքը դա վիրավորանք է ընդունել»,-ասաց նա:
Ադամյանը նշեց, որ իրեն դատարանից ուղարկել են 37 թերթից բաղկացած ծանուցում: Ինչ վերաբերում է իր ապագա քայլերին, Հերմինե Ադամյանն ասաց, որ դրանք կորոշեն փաստաբանի հետ խորհրդակցելուց հետո. «Կարծում եմ՝ հակընդդեմ հայցով կդիմենք դատարան: Նա հիմք է ընդունել իմ ֆեյսբուքյան գրառումները՝ չլինելով իմ ֆեյսբուքյան ընկերը: Իմ ֆեյսբուքյան ընկերների թիվը 600-ը չի անցնում: Անգամ իմ ժպիտով դրած հումորը իրենք վերագրել են վիրավորանք»,-պարզաբանեց Գուլոյանի նախկին օգնականը:
Նրա կարծիքով՝ այս կերպ փորձում են նախադեպ ստեղծել, որպեսզի մարդիկ քննադատութունների չենթարկեն մարզպետի եւ մարզպետարանի աշխատակիցների աշխատանքը. «Այն կարծիքին եմ, որ նախադեպ են փորձում ստեղծել, որովհետեւ այն դժգոհությունը, որ կա Կոտայքի մարզում ու այդ մասին հաճախակի գրվեց, Չարենցավանի դեպքը, Նոր Գեղիի դեպքը, լռեցնելու միջոց է, որ այլեւս որեւէ մեկը չհամարձակվի քննադատել, հակառակ դեպքում իմաստը չեմ տեսնում դատարան դիմելու»,-նշեց նա:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս