Ներքին ընտանեկան հարց էր. Մարությանը՝ ավտոբուսների վարորդների գործադուլի մասին
Երեկ առավոտյան ավտոբուսների վարորդները գործադուլ չեն իրականացրել։ Այս մասին այսօր՝ փետրվարի 15–ին լրագրողների հետ ճեպազրույցում ասաց Երևանի քաղաքապետ Հայկ Մարությանը՝ անդրադառնալով երեկ առավոտյան Երևանում երթևեկության կաթվածահար լինելու պատճառներին։
«Դա գործադուլ չէր, մեր քաղաքապետարանի ներքին ընտանեկան հարց էր։ Քաղաքապետարանն իր ՓԲԸ–ներով մեծ ընտանիք է, և ընտանիքում լինում են տարաբնույթ խոսակցություններ»,–ասաց նա։
Մարությանը նշեց, որ «Երևանի ավտոբուս» ՓԲԸ–ի տնօրենը վաղուց էր աշխատանքից ազատման դիմումներկայացրել։
«Նա արդեն դիմումը գրել է հեռացման, և մենք այնուամենայնիվ պետք է խնդրին գլոբալ լուծում տանք։ «Երևանի ավտոբուս» ՓԲԸ–ն ունի 70 չշահագործվող ավտոբուս և մենք պլանավորում ենք մտցնել շահագործման՝ ի նպաստ մեր բնակիչների»,–ասաց նա և հավելեց. «Այն գծերը, որտեղ տրանսպորն ավելի սակավաթիվ է, տրանսպորտ կավելացնենք, իսկ մյուս հիմնական գծերը կվերցնենք, որ ավտոբուսներ սպասարկեն»։
Քաղաքապետը նշեց, որ այդ ավտոբուսների շահագործումը կիրականացվի ավտոբուսների ցանցի փոփոխությունից հետո։
Հիշեցնենք, որ փետրվարի 14–ի առավոտյան Երևանում հանրային տրանսպորտը կաթվածահար էր։ «Երևանի ավտոբուս» ՓԲԸ–ի ավտոբուսների վարորդները հրաժարվում էին դուրս գալ երթուղի՝ պահանջելով, որ իրենց յոթ տարվա տնօրեն Էլբակ Թարփոշյանին աշխատանքից չազատեն։ Ընկերության տնօրենի ու Երևանի քաղաքապետարանի աշխատակազմի տրանսպորտի վարչության պետ Հենրիկ Նավասարդյանի հետ բանակցելուց հետո միայն ավտոբուսների վարորդները դուրս եկան երթուղի։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս