Նոր էլեկտրակայանի շինարարությունը՝ հնարավորինս արագ. հանդիպում Քաղաքաշինության կոմիտեում
Կառավարության հավանությանն արժանացած՝ Երեւան քաղաքում 250 ՄՎտ գազային վառելիքով կոմբինացված ցիկլով էլեկտրակայան կառուցելու եւ շահագործելու ներդրումային ծրագրի իրագործման նպատակով 2018թ. նոյեմբերին ՀՀ կառավարության, «Ռենկո» եւ «Արմփաուեր» ընկերությունների միջեւ կնքվել էր Շրջանակային համաձայնագիր:
Քաղաքաշինության կոմիտեում տեղի է ունեցել հանդիպում, որին ներկա են եղել Կոմիտեի նախագահի պարտականությունները կատարող Արմեն Ղուլարյանը, Կոմիտեի նախագահի տեղակալ Անահիտ Հախումյանը, «Ռենկո» ընկերության տնօրենի տեղակալ Գեղամ Բակլաչեւը, ներկայացուցիչ Տիգրան Քրմոյանը, «Տետրակոնխ» ընկերության տնօրեն Միքայել Հասրաթյանը, «Արմփաուեր» ընկերության իրավախորհրդատու Վահան Հարությունյանը:
Կայանի շինարարությունը սկսելու համար անհրաժեշտ է, որ բավարարվեն Շրջանակային համաձայնագրի հավելված 2-ի 2-րդ բաժնով նախատեսված Կառավարության պատասխանատվության ներքո գտնվող այլ Հետաձգող պայմանները եւ տեղի ունենա ֆինանսական ամփոփումը, ինչի արդյունքում վարկային միջոցները հասանելի կդառնան Կառուցապատողին:
Քննարկվել են նախագծային փաստաթղթերի պետական համալիր փորձաքննություն իրականացնող եւ ավարտված շինարարությունն ընդունող հանձնաժողովների ձեւավորման հետ կապված հարցերը: Կոմիտեն կարճ ժամկետում կհաստատի պետական համալիր փորձաքննություն իրականացող հանձնաժողովի անհատական կազմը եւ հանձնաժողովի նիստը կհրավիրվի նախագծային փաստաթղթերը ներկայացնելուց առավելագույնը եռօրյա ժամկետում:
Հիշեցնենք, որ Քաղաքաշինության կոմիտեն, պետություն-մասնավոր հատված համագործակցության շրջանակներում իրականացնում է քաղաքաշինական, ճարտարապետական եւ լանդշաֆտային համալիրների կառուցապատման ներդրումային ծրագրերի իրականացման աջակցությունը:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս