Ինչո՞ւ է Պետգույքի կոմիտեի նախագահը ֆեյսբուքի անձնական էջով աշխատակիցներ փնտրում
Պետական գույքի կառավարման կոմիտեի համապատասխան վարչություններում քաղծառայության թափուր տեղեր կան, և պաշտոնապես դրանց մասին հայտարարությունից զատ՝ կոմիտեի նախագահ Նարեկ Բաբայանը որոշել է թափուր տեղերի մասին ծանուցել նաև սեփական ֆեյսբուքյան էջով, Aysor.am-ին հայտնեցին Պետական գույքի կառավարման կոմիտեից՝ պատասխանելով մեր այն հարցին, թե Բաբայանը տեղյակ չէ՞ ՀՀ վարչապետի հորդորով ավելի վաղ ստեղծված կադրային բանկից, թե այնտեղ հարմար թեկնածուներ չի գտել, որ աշխատակիցներ փնտրում է սոցիալական ցանցի միջոցով։
«Պաշտոնական հայտարարությունը համապատասխան կարգով տրված է, այս հայտարարությունը պաշտոնական աղբյուրներով հրապարակված է։ Կոմիտեի նախագահը պարզապես որոշել է նաև իր անձնական էջով լրացուցիչ հայտնել, որպեսզի ավելի շատ մասնակիցներ լինեն։ Այդպիսի փորձ ունեցել ենք, օրինակ, «Կարեն Դեմիրճյանի անվան մարզահամերգային համալիր» պետական ոչ առևտրային կազմակերպության տնօրենի թափուր պաշտոնի պարագայում։ Այդ ժամանակ շատ մասնակիցներ եկան, և ընտրություն արվեց 20 հոգուց ավելի մասնակիցների միջև», - նշեցին գերատեսչությունից։
Հարցին՝ պաշտոնյայի ֆեյսբուքյան գրառմանն արձագանքողներ եղե՞լ են, Պետական գույքի կառավարման կոմիտեից հայտնեցին, որ տեղեկություն չունեն։
Հիշեցնենք՝ Պետական գույքի կառավարման կոմիտեի նախագահ Նարեկ Բաբայանը ֆեյսբուքի իր էջում գրել է, որ Պետգույքի կոմիտեին անհրաժեշտ են հաշվապահ, իրավաբան (գլխավոր մասնագետ) և պայմանագրային պարտավորությունների հսկողության բաժնի գլխավոր մասնագետ (իրավաբան կամ տնտեսագետ կամ մենեջեր)։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս