Քաղաքացին հրազենային վնասվածք է հասցրել ինքն իրեն Ալիկ Սարգսյանից որպես պարգևատրում ստացած զենքով

Երևանում քաղաքացին հրազենային վնասվածք է ստացել: Tert.am-ի հետ զրույցում ՀՀ ոստիկանության հասարակայնության հետ կապի և լրատվության վարչությունից հայտնեցին, որ ոստիկանությունն ահազանգ ստացել է. «Փետրվարի 10-ին՝ ժամը 14:53-ին, Էրեբունի բժշկական կենտրոնից ոստիկանություն ահազանգ է ստացվել, որ ձախ ոտնաթաթի հրազենային վնասվածքով հիվանդանոց քաղաքացի է տեղափոխվել»:

Ոստիկանությունից հայտնեցին, որ մեկնած օպերատիվ խմբին տուժողն ասել է, որ Էրեբունի փողոցում պատահաբար ինքն իրեն վնասել է: Նշանակվել էդատաբժշկական փորձաքննություն:

Shamshyan.com-ը տեղեկացնում է, որ ոստիկաններն ու քննիչները պարզել են, որ վիրավորը Արարատի մարզի բնակիչ՝ 53-ամյա Միշա Թադևոսյանն է, ով վնասվածքը ստացել է Էրեբունի փողոցի 22 շենքի մոտ կայանված ВАЗ 2121 մակնիշի 35 XN 111 համարանիշի ավտոմեքենայի սրահում իրեն ամրակցված «Վիկինգ» տեսակի ատրճանակից արձակված կրակոցի հետևանքով։

Գ. Շամշյանի տեղեկություններով՝ ատրճանակը Մ. Թադևոսյանը լիցքաթափելիս է եղել և պատահաբար արձակվել է կրակոց։ Զենքը, որով կրակոցն արձակվել է, որպես պարգևատրում՝ Մ. Թադևոսյանին տվել է ՀՀ նախին ոստիկանության պետ, ոստիկանության գեներալ-մայոր Ալիկ Սարգսյանը։

Այս թեմայով Երևանում իրանցի 36-ամյա տղամարդը սպառնացել է ինքնահրկիզվել և փորձել է խոչընդոտել ԱԱԾ աշխատակիցների աշխատանքը Ռեստորանի մոտ կռիվ է տեղի ունեցել․ 5 վիրավոր կա Պայթյուն Վարդաշենի շենքերից մեկում. ընտանիքի անդամներ են հիվանդանոց տեղափոխվել Ջրվեժում բախվել են «Mercedes»-ը և «Opel Zafira»-ն. կան վիրավորներ Քաղցրաշեն գյուղում մտել են բնակչի տուն և գողացել մեծ թվով ոսկյա զարդեր և գումար․ պատճառվել է մոտ 6 մլն դրամի վնաս