Շոյգուն շնորհակալություն է հայտնել Հայաստանին Սիրիա ուղարկված մարդասիրական օգնության համար
ՌԴ պաշտպանության նախարար, բանակի գեներալ Սերգեյ Շոյգուն Մոսկվայում հանդիպման ժամանակ շնորհակալություն է հայտնել Հայաստանի ռազմական գերատեսչության ղեկավար Դավիթ Տոնոյանին՝ Սիրիային ցուցաբերած հումանիտար օգնության համար։
Այս մասին տեղեկացնում է tass.ru-ն։
«Կցանկանայի երախտագիտությունս հայտնել Սիրիային ցուցաբերած մարդասիրական օգնության համար։ Դուք առաջինն արձագանքեցիք սիրիացի ժողովրդին օգնելու մեր կոչին»,-ասել է Շոյգուն։
Նա նշել է, որ հատկապես կարևոր է դա եղել սիրիացի երեխաների համար, ովքեր վաղուց չեն տեսել նորմալ խաղաղ կյանքւ ու 5-7 տարով դպրոց չեն հաճախել։
«Դա, իհարկե, էական ներդրում էր Սիրիայում բնականոն կյանքի վերականգնման գործում»,-շեշտել ռուսաստանցի նախարարը։
Իր հերթին Տոնոյանը շնորհակալություն է հայտնել ռուսական կողմին՝ Սիրիային աջակցելու համար։
«Իմ մեծագույն շնորհակալությունն եմ հայտնում ՌԴ-ի և հատկապես անձամբ Ձեր ու Պաշտպանության նախարարության կողմից մեր՝ Սիրիայում հումանիտար օգնության գործին մասնակցության կազմակերպման գործում հասցված օգնության համար։ Դա մեծ ներդրում էր»,-ասել է Տոնոյանը։
Հայաստանի պաշտպանության նախարարի կարծիքով՝ ՌԴ գործունեությունը Սիրիայում միտված է երկրի հետկոնֆլիկտային վերականգնմանը։
«Եվ ես կարծում եմ, որ մեր մասնակցությունն այդ հումանիտար գործողությանը շատ կարևոր է։ Կարևոր է Սիրիայի ժողովրդին, որի մի մասն էլ հայկական Սփյուռքն է կազմում, ցուցաբերած օգնությունը»,-հավելել է Դ. Տոնոյանը։
Հայաստանն ու Սիրիան։
Սիրիայի հայ համայնքը մինչև պատերազմը համարվում էր աշխարհում խոշորագույններից մեկը։ Հայերի մեծ մասը՝ թվով 110 000 մարդ, ապրում էր Հալեպում ու էական դերակատարություն ուներ երկրի մայրաքաղաքի տնտեսական կյանքում։ Կոնֆիկտը սկսվելուց հետո Հետո Հայաստանն ապաստան տվեց 22 000 սիրիահայ փախստականների։
Ավելի վաղ հաղորդվել էր, որ թվով 83 մասնագետներից կազմված խումբը ժամանել է Սիրայի Հալեպ քաղաք։ Նրանք հումանիտար և բժշկական օգնություն են ցուցաբերելու Սիրիայի՝ ռազմական գործողությունների տեղանքներում ապրող ազգաբնակչությանը, ինչպես նաև կատարելու են տարածքների ականազերծման աշխատանքներ։
Խմբի՝ Սիրիա հասնելուն աջակցել է Ռուսաստանը։
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Գարեգին Երկրորդի եղբոր կալանքը 2 ամսով երկարաձգվեց
Քրեական վարույթներով վերականգնվել է շուրջ 29 միլիոն 711 հազար ԱՄՆ դոլարին համարժեք 11 միլիարդ 249 մի...
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Մի շարք հասցեներում լույս չի լինի
Իրանում վերականգնվել է ինտերնետային կապը
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Գողություններ կատարած տղամարդիկ ձերբակալվել են․ Վաղարշապատի համայնքային ոստիկանների բացահայտումը (տե...