Համաներումով ազատված տաքսու վարորդը հարվածել է մի տղամարդու և առևանգել նրա ավտոմեքենան
Փետրվարի 2-ին, ժամը 01.40-ին, ոստիկանության Երևան քաղաքի վարչության օպերատիվ կառավարման կենտրոն ահազանգ էր ստացվել, որ տաքսի ծառայության վարորդ, 1958 թ. ծնված Վարդան Վ.-ին Հարավարևմտյան թաղամասում հրել գցել են իր վարած «Ռենո» մակնիշի տաքսի ավտոմեքենայից և փախցրել ավտոմեքենան: Մեկնած օպերատիվ խմբին Վարդան Վ.-ն հաղորդում էր տվել, որ նույն օրը, ժամը 01.00-ին, անհայտ անձը Նորքի 5-րդ զանգվածից նստել էր իր վարած տաքսի ավտոմեքենան և հասնելով Օտյան փողոց` անհայտ առարկայի սպառնալիքով իրենից պահանջել էր գումար, ինչը չստանալով՝ հարվածել էր իր դեմքին, գցել ավտոմեքենայից և փախցրել այն: Մեքենան նույն օրը, ժամը 01.50-ին, հայտնաբերվել էր Օհանովի փողոցի թիվ 54 հասցեի մոտ՝ վթարված վիճակում:
Ոստիկանության Երևան քաղաքի վարչության և Մալաթիայի բաժնի ծառայողները պարզել են, որ հանցագործությունը կատարել է 1988 թ. ծնված Մամիկոն Ս.-ն (08.11.2018թ համաներումով ազատված, դատապարտված ՀՀ քր. օր. 202 հոդ. 2-րդ մասով/:
Նա նույն օրը, ժամը 20.00-ին, բերման է ենթարկվել ոստիկանություն և ներկայացվել քննչական բաժին: Մամիկոն Ս.-ն ձերբակալված է:
Կատարվում է նախաքննություն:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս