Եկատերինբուրգում հրշեջները կրակմարիչ են նվիրել երեք երեխաների փրկած հային
Եկատերինբուրգում հրշեջները կրակմարիչ են նվիրել 30-ամյա հային, ով երեք երեխաների կյանք է փրկել՝ հանելով նրանց այրվող տնից՝ հայտնում է «Е1.ru» տեղական թերթը։
Հունվարի 26-ին Գեւորգ Ավետիսյանը կնոջ հետ անցնելիս է եղել ծխացող սեփական տան կողքով, որը գտնվում է Գնչուական ավանի Պատգամավորական փողոցում։ Տան լուսամուտից նա տեսել է երեխաների, որոնք օգնություն էին կանչում։ Մեծահասակներ տանը չեն եղել։
Ավետիսյանը քարով կոտրել է ապակին եւ հանել 12 տարեկան երկու աղջիկների եւ 10 տարեկան տղայի։ Մինչեւ հրշեջների գալը նա հասցրել է նաեւ տանից հեռացնել կայանված ավտոմեքենան։ Հրշեջներին նրա կինն է կանչել։
Հունվարի 28-ին սվերդլովյան ԱԻՆ-ում Ավետիսյանին փոխանցել են վարչության պետի շնորհակալագիրը եւ կրակմարիչ են նվիրել։