ՊԵԿ-ը թույլ չի տալիս քաղաքացիներին ներմուծել նույնիսկ մինչեւ 25 կգ բեռ եւ գործում է կամայական որոշումներով՝ շրջանցելով օրենսդրությունը
Պետական եկամուտների կոմիտեն Բագրատաշենի մաքսակետում շարունակվող բողոքի մասնակիցներին կոչ է անում ապրանք ներմուծելիս հետեւել օրենսդրությամբ սահմանված կանոներին, հստակ տարբերակել բիզնես նպատակն անձնական օգտագործման նպատակից:
ՊԵԿ-ի տարածած հաղորդագրությանմեջ նաեւ ասվում է. «Պետական եկամուտների կոմիտեն ֆիզիկական անձանց դեռեւս տարեվերջից պարբերաբար տեղեկացրել է նոր կարգավորման մասին, որի համաձայն` եթե ֆիզիկական անձինք ԵՏՄ մաքսային տարածք ներմուծեն անձնական օգտագործման ապրանք, որի արժեքը չի գերազանցում 500 եվրոյին համարժեք գումարը, իսկ քաշը` 25 կիլոգրամը, ապա որեւէ գանձում չի կատարվի:
Չափաքանակները գերազանցելու դեպքում կիրառվելու է մաքսատուրքերի եւ հարկերի միասնական դրույքաչափ, այսինքն` ապրանքների արժեքի նկատմամբ 30%-ի չափով, բայց ոչ պակաս, քան 1 կիլոգրամի համար 4 եվրոյին համարժեք գումար նշված արժեքը կամ կշիռը գերազանցող մասի համար:
ՊԵԿ-ն ընդգծում է՝ ոչ մեկ իրավունք չունի արտոնյալ պայմաններով ապրանք ներկրել. արտոնությունը վերաբերում է միայն մինչեւ 25կգ անձնական օգտագործման ապրանքների ներմուծմանը եւ նախատեսված չէ անօրինական բիզնես նպատակներով առեւտրային շրջանառության մեջ ապրանքներ մտցնելու համար, քանի որ այդ դեպքում տուժում է մի կողմից շուկան, մյուս կողմից վնաս է հասցվում այն տնտեսվարողներին, ովքեր օրինական ճանապարհով են ապրանք ներմուծում` վճարելով հարկերը:
Բագրատաշենի մաքսակետում ստեղծված իրավիճակը մաքսային ծառայությանը խոչընդոտում է պատշաճ եւ լիարժեք իրականացնել օրենքով վերապահված գործառույթները: Կոմիտեն եւս մեկ անգամ կոչ է անում քաղաքացիներին դադարեցնել բողոքի ակցիան եւ ներկրումներն իրականացնել բացառապես օրենքի շրջանակում»:
Հատկանշական է, որ թեեւ ՊԵԿ-ը շեշտը դնում է մինչեւ 25 կգ ներկրելու սահմանափակման վրա, սակայն առեւտրականները պնդում են, որ իրենց թույլ չեն տալիս նույնիսկ մինչեւ 25 կգ բեռը ներմուծել Հայաստան եւ պահանջում են, որ առեւտրականներն ունենան Թուրքիայի մաքսատան կնիքը: Նրանք պնդում են, որ որեւէ օրենք չկա, որը հնարավորություն կտա ՊԵԿ-ին արգելել մինչեւ 25 կգ բեռի ներմուծումը եւ ՊԵԿ-ն, ըստ էության, գործում է կամայական որոշումներով՝ շրջանցելով օրենսդրությունը:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս