Կառավարությունը զորակոչից տարկետման իրավունք տրամադրեց 27 քաղաքացու
Այսօր կառավարությունը մի շարք քաղաքացիների պարտադիր զինվորական ծառայության զորակոչից տարկետման իրավունք տալու վերաբերյալ որոշում կայացրեց:
Ըստ որոշման նախագծի` տարկետման իրավունք ստացան կրթության և սպորտի բնագավառներում ներդրում ունեցած անձինք, ինչպես նաև տարկետում տրվեց այն դպրոցականներին, որոնց զորակոչման տարիքը լրացել է, սակայն վերջիններս դեռ չեն ավարտել դպրոցը:
Հիմնավորման մեջ նշված է, որ կրթության բնագավառում նշանակալի ներդրում ունեցող, զորակոչից տարկետում ստացած քաղաքացիները մեծ մասամբ օտարերկրյա բուհերում են ուսանելու: Նրանք են՝ Հովհաննես Վրեժի Ջիջյան (Ամստերդամի ազատ համալսարան, բակալավրիատ), Սամսոն Արթուրի Պետրոսյան (Բերքլիի համալսարան, բակալավրիատ), Արամ Հրանտի Հակոբյան (Չիկագոյի համալսարան, բակալավրիատ), Հայկ Պարգևի Հարությունյան (Հայաստանի ազգային պոլիտեխնիկական համալսարան, բակալավրիատ), Ֆրունզ Արմանի Ղարագյոզյան (Երևանի պետական համալսարան, բակալավրիատ), Անդրանիկ Արթուրի Մուրադյան (Վարշավայի համալսարան, ասպիրանտուրա), Հայկ Գեղամի Մանուկյան (Հայաստանի ազգային պոլիտեխնիկական համալսարան, մագիստրատուրա):
Մեկ այլ որոշմամբ տարկետում են ստանալու սպորտի բնագավառում նշանակալի ներդրում ունեցող քաղաքացիները, վերջիններս հունահռոմեական ըմբշամարտի և բռնցքամարտի Եվրոպայի առաջնությունում 3-5-րդ տեղերն են զբաղեցրել: Նրանք են՝ Հայկ Մհերի Ասատրյան, Սարգիս Մանվելի Թադևոսյան, Վախթանգ Դերենիկի Հարությունյան, Արթուր Սուրենի Բազեյան, Էրիկ Մանվելի Թոխյան, Բենիկ Արսենի Նիկողոսյան:
Մեկ այլ որոշմամբ էլ տարկետման իրավունք են ստանալու Հանրապետության տարբեր ավագ դպրոցների 14 սաներ՝ դպրոցական ուսումնառությունը շարունակելու համար:
Ընդհանուր առմամ պարտադիր զինվորական ծառայության զորակոչից տարկետման իրավունք տրվեց 27 քաղաքացու:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս