Կրակոցներ Արարատի մարզում, կան վիրավորներ. մարզի ոստիկանությունը չի տիրապետում օպերատիվ իրավիճակին

Արարատի մարզում այսօր՝ հունվարի 22-ին, կրակոցներ են հնչել: Shamshyan.com-ի փոխանցմամբ՝ Ժամը 16:40-ի սահմաններում Վեդիի բժշկական կենտրոնից ոստիկանության Արարատի մարզային վարչություն ահազանգ է ստացվել, որ հրազենային վնասվածքներով իրենց մոտ են տեղափոխվել 3 քաղաքացի:

Ֆոտոլրագրող Գագիկ Շամշյանը հայտնում է, որ հիվանդանոց են ժամանել ոստիկանության Արարատի մարզային վարչության օպերատիվ խումբը՝ վարչության պետ Արմեն Գասպարյանի, վարչության պետի օպերգծով տեղակալ Արթուր Զաքարյանի գլխավորությամբ:

Ժամանել են նաեւ ոստիկանության Արարատի բաժնի օպերատիվ խումբը՝ բաժնի պետ Վահան Ազգաշյանի գլխավորությամբ:

Ոստիկանները պարզել են՝ վիրավորներն են՝ Արարատի մարզի Սուրենավան գյուղի բնակիչներ, 35-ամյա Վրեժ Ղազարյանը, 30-ամյա Վաղարշակ Ղազարյանը եւ 47-ամյա Վահան Ղազարյանը:

Ոստիկանները պարզել են, որ վերջիններս հիվանդանոց են տեղափոխվել Սուրենավան գյուղի վարչական տարածքում գտնվող արոտավայրերից մեկից:

Այս պահին նշված վայրում աշխատում են ոստիկաններն ու Հայաստանի քննչական կոմիտեի Արարատի մարզային քննչական վարչության Վեդիի քննչական բաժնի խումբը՝ բաժնի պետ Շիրակ Խաչատրյանի գլխավորությամբ:

Փաստի առթիվ քննչական բաժնում ՀՀ քր օր-ի 34-104 հոդվածի 1-ին մասի եւ 235 հոդվածի 1-ին մասի հատկանշներով հարուցվել է քրեական գործ:

Ոստիկաններն ու քննիչները հայտնաբերել են նաեւ կրակոցի հետեւանքով վնասված մի քանի ավտոմեքենաներ, որոնց սեփականատերերի ինքնությունը պարզվում է:

Ֆոտոլրագրողի տեղեկություններով՝ ոստիկաններն ու քննիչները պարզել են նաեւ կրակողի ինքնությունը, ով նույն գյուղի բնակիչ, 22-ամյա Արգիշտի Բրոյանն է, ով դեպքի վայրից դիմել է փախուստի:

Ոստիկաններն ու քննիչները ձեռնարկում են անհրաժեշտ օպերատիվ-հետախուզական եւ քննչական համատեղ գործողություններ՝ դեպքի հանգամանքները բացահայտելու, կասկածյալ Ա. Բրոյանին եւ հրազենը հայտնաբերելու ուղղությամբ:

Մի քանի գյուղացիներ ֆոտոլրագրողի հետ զրույցում, ովքեր հրաժարվեցին տեսախցիկի առաջ խոսել, ասում էին. «Մարզի ոստիկանությունը շատ լավ գիտի, թե ով է կրակողը, ինչի է կրակել, բազամթիվ անգամ իրենք տեղյակ են, որ էդ անձնավորությունը միշտ սպառնացել ու ահաբեկել է մարդկանց: Սպասում են՝ մարդ մեռնի, նոր քնից զարթնեն, եթե լավ աշխատեին, բանը սրան չէր հասնի:

Հիմնական մեղավորը մարզի ոստիկանությունն է, ովքեր միայն տեղում դոփում են: Էսօր եկել են՝ հերթական շոուն կանեն ու կջանդամվեն կեթան, բայց խնդիրը չի լուծվի: Ոստիկանության պետ Վալերիյ Օսիպյանը ժողովների ժամանակ ասում է, թե բոլոր մարզերում ոստիկանությունը տիրապետում է իրավիճակին: Մենք մեր մարզում մեր մաշկի վրա ենք զգում, որ Վ. Օսիպյանի խոսքը գոնե մեր մարզի պահով իրականությանը չի համապատասխանում:

Մենք համոզված ենք՝ մարզում ոստիկանություն չկա, եթե ոստիկանություն լիներ, էսօրվա էս կրակոցները չէր լինի, էլ չենք ասում, որ մեռան տներ ու խանութներ թալանելով, ոչ մի բացահայտում չկա: Էնպես, որ ոստիկանության ղեկավար կազմը թող խոսքից անցնի իրական գործի ու մեր մարզում վերացնեն կրիմինալը»:

Այս թեմայով «Մուրացան» մանկական հիվանդանոց է տեղափոխվել 2 ամսական տղայի մարմին Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ Շտապօգնության ավտոմեքենան Թեղուտի մոտ կողաշրջվել է. բուժքույրը տեղափոխվել է հիվանդանոց Մшհվան ելքով վրաերթ՝ Երևանում Վիճաբանություն և ծեծկռտուք Սյունիքի մարզում․ կան վիրավորներ