Եվրահանձնաժողովը մոտ 13 մլրդ եվրոյի ներդրում կանի ԱլԳ երկրներում՝ ներառյալ Հայաստանում
«Արևելյան գործընկերություն» (ԱլԳ) ծրագրի անդամ երկրներում տրանսպորտային կապի ամրապնդման և տնտեսական աճի խթանման նպատակով Եվրոպական հանձնաժողովն ու Համաշխարհային բանկը համահեղինակել են ներդրումային գործողության ծրագիր (Indicative trans-European Transport Network (TEN-T))` նախատեսված Հայաստանի, Վրաստանի, Ադրբեջանի, Բելառուսի, Մոլդովայի և Ուկրաինայի համար:
Ինչպես նշվում է Եվրահանձնաժողովի պաշտոնական կայքում, այս երկրներում ներդրումային ծրագրերի իրագործման համար տրամադրվելու է մոտ 13 մլրդ եվրո: Արդյունքում կառուցվելու է 4800 կմ երկարությամբ ճանապարհ ու երկաթգիծ, վեց նավահանգիստ, 11 լոգիստիկ կենտրոն: Բացի այդ՝ կվերանորոգվեն հին ճանապարհները, երկաթգծերը, նավահանգիստները, օդանավակայանները, լոգիստիկ կենտրոնները, սահմանային անցակետերը:
Եվրոպական հարևանության քաղաքականության և ընդլայնման բանակցությունների հարցերով ԵՄ հանձնակատար Յոհանես Հանն ընդգծել է, որ նոր ներդրումային ծրագրի նպատակն է էական, շոշափելի արդյունքներ ապահովել ԱլԳ տարածաշրջանի բնակիչների համար:
Տրանսպորտի հարցերով հանձնակատար Վիոլետա Բուլկը հավելել է, որ ԱլԳ տարածաշրջանում, ինչպես նաև դրա ու ԵՄ-ի միջև տրանսպորտային կապի բարելավումը տնտեսական աճը խթանելու ու նոր աշխատատեղեր ստեղծելու ներուժ ունի:
Ներդրումային ծրագիրը ներառում է ինչպես կարճատև, այնպես էլ երկարատև նախագծեր, որոնց մի մասի իրագործման շնորհիվ տրանսպորտային կապի բարելավման առաքելությունն ավարտված կլինի 2020թ., իսկ մյուս մասի դեպքում՝ 2030թ. դրությամբ:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս