Ավտոճանապարհին բախվել են 114 համարի երթուղայինն ու Opel մակնիշի ավտոմեքենան. առնվազն 6 մարդ հոսպիտալացվել է
Դեկտեմբերի 28-ին՝ ժամը 12:15-ին, «911» ծառայությանն ահազանգ է ստացվել, որ Երևան-Աշտարակ ավտոճանապարհին տեղի է ունեցել ՃՏՊ՝ «Opel» մակնիշի ավտոմեքենան բախվել է «ԳԱԶել» մակնիշի միկրոավտոբուսին. կան տուժածներ:
Լուրը Tert.am-ի հետ զրույցում հաստատեց շտապօգնության բժիշկ Մարինե Մուրադյանը, ով հայտնեց, որ առնվազն 6 վիրավոր կա, որոնք այս պահին հոսպիտալացվում են:
Նրանց վիճակի մասին մանրամասներ դեռևս չեն հայտնվում:
ԱԻՆ-ից հայտնում են նաև, որ մինչ փրկարարների՝ կանչի վայր հասնելը, «Opel» մակնիշի ավտոմեքենայի վարորդը և երկու ուղևորները տեղափոխվել են Արմենիա ՀԲԿ:
Հավելենք, որ «Գազել» մակնիշի մեքենան սպասարկում էր 114 համարի երթուղին: