Փաստաթղթում կլինեն փոփոխություններ. Մխիթար Հայրապետյանը՝ Սփյուռքի նախարարությունը լուծարելու նախագծի մասին
Սփյուռքի նախարարությունն աշխատանքային սահմանված ընթացակարգով իրենց մտահոգություններն ու առաջարկությունները նախարարության լուծարման վերաբերյալ ներկայացրել են ՀՀ արդարադատության նախարարությանը։ Այս մասին այսօր՝ դեկտեմբերի 27–ին, լրագրողների հետ ճեպազրույցում ասաց ՀՀ սփյուռքի նախարարի պաշտոնակատար Մխիթար Հայրապետյանը:
«Այս հարցի վերաբերյալ մենք ունենք մտահոգություններ, որովհետև հստակ չի նշվում, թե այդ գործառույթները, որոնք իրականացնում է Սփյուռքի նախարարությունը, որ գերատեսչությունն է ստանձնելու, հետևաբար դրա լուծարման վերաբերյալ մտահոգությունները քաղաքական թիմին էլ ենք հայտնել։ Ես կիսում եմ մեր աշխատակիցների մտահոգությունները», - նշեց Հայրապետյանը:
Անդրադառանլով Կառավարության կողմից շրջանառության մեջ դրված «Կառավարության կառուցվածքի ու գործունեության մասին» ՀՀ օրենքում փոփոխություններ և լրացումներ անելու մասին նախագծին՝ նախարարի պաշտոնակատարը նշեց՝ վստահ է, որ կլինեն փոփոխություններ փաստաթղթում. «Ես ինձ թույլ կտամ ասել, որ փաստաթղթում կլինեն փոփոխություններ՝ հիմնված թե մեր, թե մյուս նախարարությունների մտահոգությունների վրա»:
Թե որ գերատեսչությունը կկատարի Սփյուռքի նախարարության գործառույթները, Մխիթար Հայրապետյանը հրաժարվեց ասել՝ նշելով, որ դեռ քննարկումներ են ընթանում։ «Կարծում եմ՝ դեպարտամենտ կլինի»,– ասաց նա։
Նշենք, որ նախագիծն առաջարկում է կրճատել նախարարությունների թիվը՝ դրանք 17-ից հասցնելով 12-ի և ի տարբերություն մնացած նախարարությունների՝ Սփյուռքի նախարարությունը չի միավորվում որևէ նախարարության հետ, այլ լուծարվում է:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս