Հերթական գործակարգավարական խորհրդակցություն
ՀՀ կրթության, գիտության, մշակույթի և սպորտի նախարարությունում այսօր տեղի է ունեցել հերթական գործակարգավարական խորհրդակցությունը, որը վարել է ԿԳՄՍ նախարար Ժաննա Անդրեասյանը։
Խորհրդակցությանը մասնակցել են նախարարի տեղակալները, գլխավոր քարտուղարը, գլխավոր քարտուղարի տեղակալը, նախարարի խորհրդականները, նախարարության ենթակա մարմինների և կառուցվածքային ստորաբաժանումների ղեկավարները։
Քննարկվել են նախարարության ընթացիկ աշխատանքները, իրականացվող ծրագրերն ու առաջիկա միջոցառումները, ինչպես նաև դրանց կազմակերպման և պատշաճ իրազեկման հարցերը։
Անդրադարձ է կատարվել հանրակրթական ուսումնական հաստատություններում էլեկտրոնային մատյանների գործարկման ընթացքում առաջացող խնդիրներին։ Նախարար Ժաննա Անդրեասյանը հանձնարարել է սեղմ ժամկետներում գույքագրել և լուծել արձանագրված խնդիրները՝ գործընթացում ներգրավելով նաև ուսուցիչների և դպրոցների տնօրենների՝ հաշվի առնելով նրանց գործնական դիտարկումներն ու առաջարկությունները։
Քննարկվել են նաև ուսուցիչների կամավոր ատեստավորման և տարակարգի շնորհման գործընթացները։ Նախարարը հանձնարարել է պատշաճ ժամկետներում ներկայացնել ատեստավորման ժամանակացույցը և ապահովել նախատեսվող փոփոխությունների վերաբերյալ ուսուցիչների իրազեկումը։
Անդրադարձ է կատարվել նաև թանգարանների աշխատակիցների ատեստավորման գործընթացին և համապատասխան ժամանակացույցի հաստատմանը։
Խորհրդակցության ընթացքում քննարկվել են Կենսաբազմազանության մասին կոնվենցիայի կողմերի 17-րդ համաժողովի՝ COP17-ի շրջանակում նախարարության և ենթակա կառույցների մասնակցության կազմակերպման հարցերը։ Կարևորվել են նախատեսվող միջոցառումներին ուսումնական հաստատությունների ակտիվ ներգրավումը, տաղավարային ներկայացվածությունը, ինչպես նաև համաժողովի մասնակիցների համար մշակութային հաստատություններ այցելությունների կազմակերպման հնարավորությունները։
Ամփոփելով խորհրդակցությունը՝ Ժաննա Անդրեասյանը պատասխանատուներին տվել է համապատասխան հանձնարարականներ՝ ընդգծելով աշխատանքների պատշաճ կազմակերպման և սահմանված ժամկետների պահպանման անհրաժեշտությունը։
Գիտեմ, որ ճիշտ որոշում եմ կայացնում
Երբ դուրս ես գալիս խաղադաշտ, մտածում ես բացառապես հաղթանակի մասին
Ջազ համերգ՝ Կասկադի տարածքում
Իրանի նախագահը հայտարարել է, որ իր երկիրը լայնամասշտաբ պատերազմի վիճակում է
Էլեկտրաէներգիայի ընդհատումներ կլինեն Երևանում և մարզերում
«Ժողովրդավարությունը՝ որպես Հայաստանի խաղաղության ուղի». դեսպան Նարեկ Մկրտչյանի ելույթը ԱՄՆ-ում
Մարկո Ռուբիոյին կոչ են արել դադարեցնել Ադրբեջանին ցուցաբերվող ամերիկյան ռազմական աջակցությունը
ՄԱԿ-ում վերահաստատվել է Հայաստանի աջակցությունը հատուկ իրավիճակներում գտնվող երկրներին
Պարգևատրումներ Ճարտարապետության համաշխարհային օրվա առիթով
Firebird AI կենտրոնը կարող է օգտագործվել արևմտյան հատուկ ծառայությունների կողմից. Շևցով