Միացյալ Նահանգները շարունակում է աջակցել Հարավային Կովկասում խաղաղության խթանման ջանքերին․ Ռուբիո

«Ամերիկացի ժողովրդի անունից ցանկանում եմ շնորհավորել ձեզ և Ադրբեջանի ժողովրդին Անկախության օրվա կապակցությամբ։ Մենք աջակցում ենք Ադրբեջանի ինքնիշխանությանը, անկախությանը և տարածքային ամբողջականությանը։ Միացյալ Նահանգները շարունակում է աջակցել տարածաշրջանում խաղաղության և կայունության խթանման ջանքերին, որոնք կարևոր են Հարավային Կովկասի բարգավաճման համար, և նշում ենք այս տարի Ադրբեջանի և Հայաստանի միջև խաղաղության պայմանագրի տեքստի վերաբերյալ ձեռք բերված համաձայնությունը։ Միաժամանակ գիտակցում ենք Ադրբեջանի աճող կարևորությունը որպես էներգամատակարար և տրանսպորտային հանգույց։

Վերջին 33 տարիների ընթացքում կառուցված մեր գործընկերությունը շարունակում է առաջ մղել անվտանգության, էներգետիկ համագործակցության և տնտեսական աճի ոլորտներում ընդհանուր շահերը։ Միացյալ Նահանգները շարունակում է հանձնառու մնալ Ադրբեջանում հիմնարար ազատությունների, դրանց թվում՝ մամուլի ազատության աջակցությանը՝ ըստ Ադրբեջանի սահմանադրության։

«Մենք անհամբեր սպասում ենք մեր համագործակցության խորացմանը և համատեղ աշխատանքին, որպեսզի ապահովենք Ադրբեջանի և ամբողջ տարածաշրջանի համար խաղաղ և բարգավաճ ապագա», -ասված է ԱՄՆ պետքարտուղարի հայտարարության մեջ։