Ֆրանսիայում ձերբակալել են «դեղին բաճկոններ» շարժման առաջնորդին

«Դեղին բաճկոններ» շարժման հիմնադիր Էրիկ Դրուեին դուրս են բերել Փարիզում անցկացվող ամենամյա միջազգային գյուղատնտեսական միջոցառումից, որին մասնակցում էր Ֆրանսիայի նախագահ Էմանուել Մակրոնը:

Ինչպես հաղորդում է РИА Новости-ն՝ հղում անելով BFMTV հեռուստաալիքին, միջադեպը տեղի է ունեցել Պորտ դե Վերսալ ցուցասրահում, ուր ժամանել էր Մակրոնը:

Ելիսեյան պալատից լրագրողներին հայտնել են, որ երբ Դրուեն կանգնած էր հացահատիկային արտադրանքի տաղավարի մոտ, բողոքի չարտոնագրված ակցիա է մեկնարկել: Այդ առնչությամբ նախագահի թիկնազորը խնդրել է Դրուեին հեռանալ՝ գյուղատնտեսական ցուցասրահի հարևանությամբ ցույցեր անցկացնելն արգելող որոշման հիման վրա:

«Դեղին բաճկոնների» գաղափարային առաջնորդը հրաժարվել է հեռանալ, ինչից հետո նրան դուրս են բերել տաղավարից: Նրա փաստաբանի փոխանցմամբ՝ Դրուեին կալանքի տակ են առել:

Հեռուստաալիքի տվյալներով՝ շաբաթվա ընթացքում Դրուեն բազմիցս կոչով դիմել էր կողմնակիցներին՝ խնդրելով ներկա լինել գյուղատնտեսական ցուցադրությանը՝ իրենց դժգոհությունը Մակրոնին հայտնելու համար:

Հիշեցնենք, որ «դեղին բաճկոններ» շարժման բողոքի զանգվածային ակցիաները մեկնարկել են 2018 թվականի նոյեմբերի 17-ին՝ վառելիքի գինը չթանկացնելու պահանջով: Ժամանակի հետ ցուցարարներն այլ պահանջներ էլ են ներկայացրել, այդ թվում՝ սոցիալ-տնտեսական և քաղաքական:

Այս թեմայով Ֆրանսիայում անկարգությունները շարունակվել են դեռահասի հուղարկավորությունից հետո Ֆրանսիայում մեկ գիշերվա ընթացքում ավելի քան 700 մարդ է ձերբակալվել Ֆրանսիայի ՊՆ-ն հայտարարել է Նիգերում 120 ահաբեկչի վերացման մասին Ֆրանսիայում փակվում է երկրի ամենահին ատոմակայանը Մակրոնը նոր միգրացիոն ճգնաժամ է կանխատեսել Եվրոպայում` Իդլիբում իրավիճակի սրացման հետեւանքով