Վիճաբանություն-ծեծկռտուք է տեղի ունեցել Ալավերդիում. մասնակիցներից մեկը ՀՀ ՊՆ ծառայող է

Երեկ՝ օգոստոսի 25-ին, վիճաբանություն-ծեծկռտուք է տեղի ունեցել Լոռու մարզում։ Ժամը 23։10-ի սահմաններում ոստիկանության Թումանյանի բաժին օպերատիվ տեղեկություն է ստացվել, որ Ալավերդի քաղաքի Թումանյան փողոցում գտնվող մարզադպրոցի շենքի տարածքում վիճաբանություն է տեղի ունենում։

Ինչպես հայտնում է Shamshyan.com-ը, օպերատիվորեն նշված վայր են ժամանում ոստիկանության Թումանյանի բաժնի համայնքային ոստիկանության ծառայողները, ովքեր նշված վայրում հայտնաբերել են Ճոճկան գյուղի բնակիչ՝ 34-ամյա Ասքանազ Ասլանյանին և Ալավերդի քաղաքի բնակիչ՝ 31-ամյա Գևորգ Գևորգյանին։

Աղբյուրի տեղեկություններով՝ նշված անձինք հրավիրվել են ոստիկանության Թումանյանի բաժին, որտեղ պարզվել է, որ ավտոմեքենաների կայքարշակման պատճառով վիճաբանել են միմյանց հետ, որի ժամանակ էլ ձեռքերով և ոտքերով փոխադարձ հարվածներ են հասցրել միմյանց՝ պատճառելով մարմնական վնասվածքներ։

Փաստի առթիվ ոստիկանության Թումանյանի բաժնի հետաքննչական բաժանմունքում նյութեր են նախապասրաստվում։ Նշանակվել է դատաբժշկական փորձաքննություն։ Աղբյուրի տեղեկություններով՝ մասնակիցներից Ա. Ասլանյանը ծառայում է ՀՀ ՊՆ N զորամասում՝ որպես պայմանագրային զինծառայող։

Այս թեմայով Երևանում իրանցի 36-ամյա տղամարդը սպառնացել է ինքնահրկիզվել և փորձել է խոչընդոտել ԱԱԾ աշխատակիցների աշխատանքը Ռեստորանի մոտ կռիվ է տեղի ունեցել․ 5 վիրավոր կա Պայթյուն Վարդաշենի շենքերից մեկում. ընտանիքի անդամներ են հիվանդանոց տեղափոխվել Ջրվեժում բախվել են «Mercedes»-ը և «Opel Zafira»-ն. կան վիրավորներ Քաղցրաշեն գյուղում մտել են բնակչի տուն և գողացել մեծ թվով ոսկյա զարդեր և գումար․ պատճառվել է մոտ 6 մլն դրամի վնաս