Եթե կարիք լինի, վայրկյան առաջ կլինեմ ակտիվիստների կողքին. Սոֆյա Հովսեփյանը դեմ է Ամուլսարի շահագործմանը
Եթե կարիք լինի, վայրկյան առաջ կլինեմ Ամուլսարի հանքավայրի շահագործման դեմ պայքարող ակտիվիստների կողքին։ Այս մասին NEWS.am–ի հետ զրույցում ասաց ԱԺ «Իմ քայլը» խմբակցության պատգամավոր Սոֆյա Հովսեփյանը։
«Ես երեկ եմ վերադարձել Հայաստան եւ ակտիվիստների կողքին կանգնելու կարիքի դեպքում վայրկյան առաջ կլինեմ նրանց կողքը»,–ասաց նա։
Պատգամավորը նշեց, որ բավարարված չէ Ամուլսարի գործով նշանակված փորձաքննության արդյունքներից։ Ըստ նրա՝ գործով բազմակողմանի փորձաքննություն չի իրականացվել։
«Իհարկե բավարարված չեմ կարող լինել, քանի որ ակնհայտ է, որ բազմակողմանի փորձաքննություն չի իրականացվել։ Հանքի շահագործման արդյունքում առաջացող ռիսկերը որեւէ կերպ հնարավոր չէ կառավարել , քանի որ միայն այն հանգամանքը, որ առողջարանային տարածքում հանք է շահագործվելու արդեն ռիսկ է։
Հաջորդ հարցը Սեւանա լիճն է, որը մեր երկրի ամենամեծ հարստությունն է եւ եթե կա չնչին ռիսկ, ապա դա անտեսելու իրավունք չունենք։ Բացի այդ, մեր երկիրը շահագործումից ստանալու է չնչին եկամուտ, փոխարենը ռիսկերի ենթարկելով մեր ամբողջ ռազմավարական նշանակության հողերն ու ջրերը, իսկ «Լիդիան» ընկերությունը իր շահառուներով, ունենալու է գերշահույթ երկիրը ռիսկերի առաջ կանգնեցնելու ռիսկերով»,–ասաց նա։
Դիտարկմանը, եթե այնուամենայնիվ հանքը շահագործվի, կշարունակի՞ մնալ «Իմ քայլը» խմբակցությունում, Հովսեփյանը պատասխանեց. «Կմնամ թե չէ «Իմ քայլում», սա, կարծում եմ, ամենաչնչին քննարկելիք հարցն է կարեւոր հարցերի կողքին, ուստի նախընտրում եմ համախմբվել եւ կառավարություն-օրենսդիր մարմին- ժողովուրդ համատեղ գտնել լավագույն լուծումը, որից կշահի ամեն մի քաղաքացի եւ մեր երկիրը այլեւս օտարների աչքերում չի դիտարկվի որպես ոսկի որոնելու տեղ, այլ կդիտարկվի առաջադեմ մարդկանց երկիր»:
Հրապարակվել է հազար խոշոր հարկատուների ցանկը. վճարված գումարները կազմել են ավելի քան 1 տրլն 946 մլրդ...
Շինարարական ընկերություններին ներկայացվող պահանջները խստացվել են
Աշխարհի միլիարդատերերի համակցված կարողությունը հասել է պատմական առավելագույնի
Համատեղ ջանքերի շնորհիվ մեզ կհաջողվի նոր մակարդակի բարձրացնել երկկողմ քաղաքական երկխոսությունը․ Փաշի...
Փոսը շրջանցելու համար, վարորդները երթևեկում են հանդիպակաց գոտիով՝ վթարային իրավիճակնեը ստեղծելով մյո...
ՌԴ Կուրսկի մարզի նահանգապետը ճանապարհատրանսպորտային պատահարի է ենթարկվել. նա հիվանդանոցում է
ԱՄՆ-ում առատ ձյան տեղումների և սառույցի պատճառով 24 նահանգներում արտակարգ դրություն է հայտարարվել
Մահացել է Երևանի նախկին քաղաքապետ Ռոբերտ Նազարյանը
Բոլորը պետք է փոխզիջման գնան, ի դեպ` նաեւ ամերիկյան, Վիլնյուսում ասել է Զելենսկին
Դաշնային կառավարությունը պետք է գերմանական ոսկու հայրենիք ամբողջական վերադարձի հստակ ժամանակացույց ն...