Կոչումները պետք է վերանան, հակառակ դեպքում ստացվում է՝ յուրաքանչյուր իշխանության դեպքում պետք է վեթինգ անել մշակութային գործիչներին. Ռ. Բաբայան
Երևանի պետական տիկնիկային թատրոնի գեղարվեստական ղեկավար, ռեժիսոր Ռուբեն Բաբայան առհասարակ դեմ է մշակութային գործիչներին տրվող կոչումներին:
Tert.am-ի հետ զրույցում նա ասաց՝ 2004 թվականից ինքն էլ ՀՀ արվեստի վաստակավոր գործիչ է, սակայն երբևէ դրա մասին որևէ տեղ չի հիշատակում:
«Կոչումները Խորհրդային միությունից եկող ռեցիդիվ է, որը հիմնականում օգտագործվել է միապետական երկրներում: Անկախ Հայաստանում դրանից ժամանակին հրաժարվեցին, և միայն 2003 թ. նորից սկսեցին տալ կոչումներ: Դրանք, անկեղծ ասած, շատ փչացրեցին մթնոլորտը, որովհետև արվեստագետները, մշակութային գործիչները սկսեցին ավելի շատ տարվել կոչում ստանալով, քան կոնկրետ իրենց գործերով: Ստացվում է՝ ինչքան շուտ վերանան կոչումները, անկախ նրանից՝ ում են տրվում, և ինչի համար, այնքան լավ»:
Բաբայանը կարծում է, որ պետությունը գործչին կարող է խրախուսել ոչ թե կոչումներով, այլ մրցանակներով, պետական պարգևներով:
Անդրադառնալով ԿԳՄՍՆ նախարար Արայիկ Հարությունյանի ֆեյսբուքյան գրառմանը, թե կոչումների շնորհման հարցը լրջագույն քննարկման կարիք ունի, Բաբայանն ասաց՝ չգիտի՝ ում մասին է եղել նախարարի խոսքը, սակայն նախարարի դիրքորոշումն արտահայտում է նաև իր կարծիքը:
Հարցին՝ նախարարի գրառումը, արդյոք, չի նշանակում «մշակութային գործիչների վեթինգ», Բաբայանը ևս մեկ անգամ շեշտեց՝ կոչումներ չպետք է լինեն, հակառակ պարագայում ստացվում է, որ յուրաքանչյուր իշխանության դեպքում պետք է վեթինգ անել մշակութային գործիչներին.
«Ես չեմ կարծում, որ պետք է նվիրել երգեր, բանաստեղծություններ կենդանի մարդկանց: Մարդիկ փոփոխական են, յուրաքանչյուրս ունենք և՛ լավ, և՛ վատ կողմեր: Երեկվա հերոսը այսօր կարող է հերոս չլինել և հակառակը: Չեմ կարծում, որ արժի սրա մեջ խորանալ և վերլուծել՝ ով ինչպես է ստացել կոչում: Կա՛մ մենք որոշում ենք, որ կոչումներն ընդհանրապես վերացնում ենք, կա՛մ մենք խճճվում ենք անլուծելի հարցերի մեջ»:


















































Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Վարչապետն ընդունել է Իրանի փոխնախագահի գլխավորած պատվիրակությանը
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Արարատ Միրզոյանը բարձր է գնահատել Էստոնիայի աջակցությունը Հայաստան-ԵՄ գործընկերության խորացմանը (տե...
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
Ծաղկունքում կասեցվել է հացաբուլկեղենի արտադրամասի գործունեությունը