2021 թ. պետք է մտնենք առանց «աղետի գոտու շահառու» հասկացության․ Վահագն Վերմիշյան
100 օրվա իմ աշխատանքի ընթացքում բավականին լուրջ աշխատանք ենք կատարել․ ԶԼՄ ներկայացուցիչների հետ հանդիպմանը, ամփոփելով իր աշխատանքային 100 օրը, ասաց Քաղաքաշինության պետական կոմիտեի նախագահ Վահագն Վերմիշյանը:
«Երբ ես եկա, կար արդեն վարչապետի հանձնարականը՝ աղետի գոտում տնակների հաշվարկման: Այդ աշխատանքը մեզնից շատ ուժ և եռանդ պահանջեց»,- ասաց նա:
Քաղաքաշինության պետական կոմիտեի նախագահը նշեց, որ երկրաշարժից տուժածներին՝ շահառուներին, կատեգորիաների են բաժանել, մոտ՝ 13-ի։ «Մարդիկ կան, որ ապրում են այդ տնակներում, բայց ունեն սեփականություն: Այս գործընթացում մեր աշխատակիցների առջև դրել էի արդարության խնդիրը»,- ասաց նա:
Շահառուներին բնակարանների տրամադրման ժամկետները, ըստ նրա, դեռևս պարզ չեն, որովհետև հարցը քննարկման առարկա է:
«Նախ պետք էր պարզել, թե ովքեր են շահառուները: Կար կառավարության որոշում՝ 2008 -2020 թթ․ պետք էր 5936 ընտանիք տեղավորել բնակարաններում: 2008-2017 թթ․ ապահովվել է 4839 ընտանիք, և պետական բյուջեից դրա համար ծախսվել է 65 միլիարդ դրամ, 2018 թ. բյուջեից հատկացվել է 460 միլիոն դրամ, և ապահովվել է բնակարանով 44 ընտանիք: 2019 թվականի բյուջեով նախատեսված է 560 միլիոն դրամ և 60 ընտանիք: Կառավարության նիստից հետո, վարչապետի հանձնարարականով, 2020 թվականին, որպեսզի մնացած 453 ընտանիքն ապոհովվի բնակարանով, մենք ստացել ենք 3 միլիարդ դրամ՝ ամբողջ գումարը: Վերջնականապես այդ հարցը կփակվի: 2021 թվականը պետք է մտնենք առանց «աղետի գոտու շահառու» հասկացության»,- ասաց նա:
Ինչ վերաբերում է այն տնակներին, որոնցում ապրում են մարդիկ, որոնք ունեն բնակարաններ, սակայն շարունակում են ապրել այնտեղ ինչ-ինչ պատճառներով, ապա ըստ Վահագն Վերմիշյանի, դրանք պետք է վերացվեն, դառնան շինանյութ, իսկ այնտեղ ապրողները շահառուներ չեն: Տնակները, ըստ նրա, քաղաքաշինական խնդիր են առաջացնում, զբաղեցնում են հանրային տարածքներ, շատ դեպքերում այգիներ, սպորտային տարածքներ և այլն:
Բաժանորդագրվեք Top-News.am-ին Telegram-ում


















































Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Վարչապետն ընդունել է Իրանի փոխնախագահի գլխավորած պատվիրակությանը
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Արարատ Միրզոյանը բարձր է գնահատել Էստոնիայի աջակցությունը Հայաստան-ԵՄ գործընկերության խորացմանը (տե...
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
Ծաղկունքում կասեցվել է հացաբուլկեղենի արտադրամասի գործունեությունը