Իջեւանի ԲՀԿ-ական քաղաքապետ Վարդան Ղալումյանը չի բացառում, որ կդառնա ՔՊ անդամ
Ներկա իշխանությունների հետ իմ հարաբերությունները լավ են, բոլոր իշխանությունների հետ իմ հարաբերությունները եղել են նորմալ, քանի որ ընտրություններով արդար ընտրվել եմ, ոչ թե ընտրակաշառքներով, ժողովուրդն է ինձ ընտրել: Այս մասին, այսօր՝ հունիսի 22-ին, Տավուշի մարզում «Իմ քայլը հանուն Տավուշի մարզի» բիզնես համաժողովի ժամանակ լրագրողների հետ զրույցում նշեց Իջեւանի քաղաքապետ Վարդան Ղալումյանը, ով ԲՀԿ քվոտայով է առաջադրվել:
«Երբ հեղափոխության ժամանակ ժողովուրդը եկավ քաղաքապետարանի դիմաց, ասեց՝ միանո՞ւմ եք մեզ, ես իջա, ասացի, որ իհարկե, միանում եմ, ժողովուրդ ջան: Ասացի՝ Եթե չեք ուզում ինձ, ես կարող եմ հրաժարական տալ: Միաձայն պատասխանեցին՝ ուզում ենք քեզ»,-ասաց նա՝ հավելելով, որ ինքը միշտ աշխատել է օրենքներով Սահմանադրությամբ եւ ՏԻՄ օրենքով, իր մոտ կանոններ չեն փոխվել:
Նա հավաստիացրեց, որ իշխանությունների կողմից չի եղել պաշտոնից հեռանալու հորդոր. «Մեզ ժողովուրդն է ընտրել, ժողողվուրդը կարող է ասել՝ հեռացիր կամ մնա»:
Հարցին, թե հնարավո՞ր է, որ անդամակցի «Քաղաքացիական պայմանագիր» կուսակցությանը, Վարդան Ղալումյանը պատասխանեց. «Կորոշեմ, ամեն ինչն էլ հնարավոր է: Ոչինչ չեմ բացառում»:
Հարցին, թե ինչու է ժամանակ առ ժամանակ հայտնվում մամուլի ուշադրության կենտրոնում, նա պատասխանեց, որ եթե մարդը ինչ-որ աշխատանքներ է կատարում, անպայման հայտնվելու է ուշադրության կենտրոնում. «Եթե ոչ մի բան չանեմ, ոչ մեկի ուշադրության կենտրոնում չեմ հայտնվի»: Նա հավաստիացրեց, որ ինչքան դատական հայց է եղել իր դեմ, միշտ իր օգտին է ավարտվել: Հիմա էլ իմ դեմ պաշտոնական դիրքի չարաշահման հոդված կա հարուցված, բայց ես վստահ եմ, որ գործը կարճվելու է, որովհետեւ հիմքեր չկան»:
Նշենք, որ Վարդան Ղալումյանը Իջեւանի քաղաքապետ է ընտրվել ԲՀԿ-ի աջակցությամբ, 2011 թվականին եւ վերընտրվել է 2013-ին:


















































Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
Արարատ Միրզոյանը բարձր է գնահատել Էստոնիայի աջակցությունը Հայաստան-ԵՄ գործընկերության խորացմանը (տե...
Ծաղկունքում կասեցվել է հացաբուլկեղենի արտադրամասի գործունեությունը
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ