Վահե Գրիգորյանը քննարկում է ունեցել Հրայր Թովմասյանի հետ
Ես իմ գործընկերների հետ քննարկումների մեջ եմ, երբ այս ամենը վերջանա, բոլոր հարցերի պատասխանները կլինեն, ես հիմա սխալ եմ համարում որեւէ մեկնաբանություն անելը։ Այս մասին այսօր՝ մայիսի 21-ին, լրագրողների հետ զրույցում ասաց ՍԴ նորընտիր դատավոր Վահե Գրիգորյանը՝ պատասխանելով հարցին, թե ինչ կարգավիճակով էր այսօր ՍԴ–ում՝ դատավորի՞, թե՞ նախագահի։
«ՍԴ անդամների հետ եւ երեկ եմ հանդիպել, եւ այսօր եմ խոսել։ Քննարկում եմ ունեցել նաեւ ՍԴ նախագահ Հրայր Թովմասյանի հետ»,–նշեց նա։
Հարցին՝ Հրայր Թովմասյանի հետ հանդիպումը կառուցողակա՞ն էր, Վահե Գրիգորյանը նշեց. «Կարծում եմ կառուցողական էր»։
Նրա խոսքով՝ Ազգային ժողովում Սահմանադրական դատարանի նախագահի լիազորություններն ու պարտականությունները ստանձնելու մասին արված իր հայտարարությունը գործընկերների հետ առանձին զրույցների ընթացքում է քննարկում։
Հարցին՝ ՍԴ–ն հիմա ճգնաժամի՞ մեջ է, նա պատասխանեց. «Իմ ասածները ուժի մեջ են»։
Հիշեցնենք, որ Վահե Գրիգորյանը հունիսի 20–ին Ազգային ժողովում հայտարարեց, որ Սահմանադրական դատարան մուտք գործելիս, որպես Սահմանադրական դատարանում միակ դատավոր, որովհետեւ մյուս դատավորը այս օրերին բացակայում է, ստանձնելու է Սահմանադրական դատարանի նախագահի լիազորությունների եւ պարտականությունների կատարումը։ Ավելի ուշ ԱԺ «Իմ քայլը» խմբակցության պատգամավոր Նիկոլայ Բաղդասարյանը հայտարարեց, որ Հրայր Թովմասյանը այլեւս Սահմանադրական դատարանի դատավոր չէ եւ չի էլ եղել այդպիսին:
Ըստ պատգամավորի՝ ոստիկանությունը չպետք է թույլ տա ոչ դատավորին մուտք գործել ՍԴ–ի վարչական տարածք։


















































Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
Արարատ Միրզոյանը բարձր է գնահատել Էստոնիայի աջակցությունը Հայաստան-ԵՄ գործընկերության խորացմանը (տե...
Ծաղկունքում կասեցվել է հացաբուլկեղենի արտադրամասի գործունեությունը
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ