Գառնիի ճանապարհին բախվել են կորեացի զբոսաշրջիկներ տեղափոխող ավտոբուսը եւ բեռնատարը․ 16 հոգի տուժել է

Կոտայքի մարզում այսօր՝ հունիսի 9-ին, խոշոր ավտովթար է տեղի ունեցել:

Shamshyan.com-ի հաղորդմամբ՝ ժամը 15:30-ի սահմաններում Գառնի գյուղի Գեղարդի խճուղում բախվել են Գողթ գյուղի բնակիչ, 31-ամյա Էդվարդ Մարտիրոսյանի վարած ԶԻԼ մակնիշի բեռնատարը և Երևանի բնակիչ, 38-ամյա Էդվարդ Բարսեղյանի վարած Mercedes մակնիշի տուրիստական ավտոբուսը:

Բախման հետևանքով ԶԻԼ-ը դուրս է եկել երթևեկելի գոտուց և հայտնվել քաղաքացու այգում. թափքը կողաշրջվել է: ԶԻԼ-ը բարձած է եղել ավազով: ԶԻԼ-ի վարորդ Է. Մարտիրոսյանը մարմնական վնասվածքներով տեղափոխվել է Սբ. Գրիգոր Լուսավորիչ բժշկական կենտրոն:

Ճանապարհը մինչև հիմա փակ է: Դեռևս պարզ չէ, թե ով է մեղավոր: Ճանապարհին խցանում է առաջացել, քանի որ վթարը եղել է Գեղարդ տանող գլխավոր:

Mercedes-ում եղել են զբոսաշրջիկներ Կորեայի Հանրապետությունից, որոնք մեկնում էին Գեղարդ։

Աբյուրի փոխանցմամբ՝ Կորեայի Հանրապետության 15 քաղաքացի բժշկական օգնություն ստանալու նպատակով դիմել է, Երևանի Մ. Հերացու անվան թիվ 1 համալսարանական հիվանդանոց։

Փաստի առթիվ ոստիկանությունում նյութեր են նախապատրաստվում։

Այս թեմայով Երևանում իրանցի 36-ամյա տղամարդը սպառնացել է ինքնահրկիզվել և փորձել է խոչընդոտել ԱԱԾ աշխատակիցների աշխատանքը Ռեստորանի մոտ կռիվ է տեղի ունեցել․ 5 վիրավոր կա Պայթյուն Վարդաշենի շենքերից մեկում. ընտանիքի անդամներ են հիվանդանոց տեղափոխվել Ջրվեժում բախվել են «Mercedes»-ը և «Opel Zafira»-ն. կան վիրավորներ Քաղցրաշեն գյուղում մտել են բնակչի տուն և գողացել մեծ թվով ոսկյա զարդեր և գումար․ պատճառվել է մոտ 6 մլն դրամի վնաս