«Իմ քայլը» «ժուչոկներից» հեռու փակ նիստ է անցկացրել. անդրադարձ է եղել Արտակ Զեյնալյանի պաշտոնանկության հարցին

«Ժողովուրդը» գրում է. «Երեկ երեկոյան ԱԺ «Իմ քայլը» խմ­բակցությանը կարճատև նիստ անց­կացրեց: Նկատենք, որ այն տեղի ունե­ցավ երեկոյան ժամի և հենց խմբակ­ցությունում, որտեղ վերջերս պատգա­մավորներն ավելի են գերադասում քն­նարկումներ ունենալ փակ ֆորմա­տով, անցանկալի արտահոսքերից խու­սափելու համար: Սակայն հետաքրքիր է, որ խմբակցության նիստին ոչ բոլոր պատգամավորներն են ներկա եղել, դեռ ավելին՝ շատերը նույնիսկ տեղյակ էլ չեն եղել, որ այդպիսի նիստ է լինե­լու, և արդեն շենքում չեն էլ եղել, սա­կայն խմբակցությունից էլ վստահեց­րել են, թե ընթացիկ քննարկումներ են, և կարող են նաև չմասնակցել:

Խմբակցության քննարկումներն ըն­թանում էին ԱԺ նախագահ Արարատ Միրզոյանի նախագահությամբ, որը «Ժողովուրդ» օրաթերթի հետ զրույցում վս­տահեցրեց, թե որևէ առանձնահատուկ բան չկա, և ընթացիկ քննարկումներ են:

Ամեն դեպքում, «Ժողովուրդ» օրա­թերթի տեղեկություններով՝ առաջիկա­յում փոփոխություններ են սպասվում գործադիրում, և երեկ պատգամավոր­ները նաև այդ հարցին են անդրադար­ձել: Բանն այն է, որ մամուլը տևական ժամանակ գրում է ՀՀ արդարադատու­թյան նախարար Արտակ Զեյնալյանի հնարավոր պաշտոնանկության մասին, և այդ խոսակցությունները չեն դադա­րում նաև նախարարության ներսում:

Անձամբ Զեյնալյանը վերջերս «Ժողո­վուրդ» օրաթերթի հետ զրույցում խու­սափել էր խոսել իր հնարավոր պաշտո­նանկության մասին, իսկ օրերս էլ լրագ­րողների հետ զրույցում ընդգծել էր, թե կառավարությունը գոհ է իր աշխատան­քից: Սակայն նաև իշխանական պատգամավորներն են մասնավոր զրույցնե­րում դժգոհում Զեյնալյանի գործունեու­թյունից և ոլորտի վիճակից՝ ասելով, թե գործ չի արվում:

Եվ հիմա իշխանության ներսում ակ­տիվորեն խոսվում է Զեյնալյանի պաշտոնանկության մասին, իսկ որպես նրան ամենահավանական փոխարինող նշվում է ԱԺ «Իմ քայլը» խմբակցու­թյան պատգամավոր Վլադիմիր Վար­դանյանի անունը:

Բացի նրանից՝ այլ անուններ ևս կան, սակայն նա ամենահավանականն է համարվում: Նա նաև ԱԺ նախագահ Արարատ Միրզոյանի հարսանիքի քավորն է:

Հավելենք, որ երեկ իշխանական խմբակցության ՔՊ-ական պատգամավորները հավաքվել էին նաև գրասենյակում՝ մասնակցելու կուսակցության վարչության անդամի քարոզարշավին»,-գրում է թերթը: