Ինձ համար շատ մտահոգիչ էր. Արման Թաթոյանը՝ դատարանների մուտքերը փակելու մասին
«Ես որքան հիշում են՝ կան տվյալներ, որ կարող են լինել»: Այսօր՝ հունիսի 6–ին, լրագրողների հետ զրույցում այսպես արձագանքեց Մարդու իրավունքների պաշտպան Արման Թաթոյանը հարցին՝ արդյոք համաձա՞յն է վարչապետի այն հայտարարությանը, որ Հայաստանում կան կազմակերպված ակցիաներ՝ բռնության կոչերով։
«Ես որքան հիշում են՝ կան տվյալներ, որ կարող են լինել: Ես, իհարկե, առհասարակ չունեմ հասանելիություն օպերատիվ տվյալների: Բայց դա ազդակ էր ինձ համար, որպեսզի մենք շատ ավելի աչալուրջ և հետևողական լինենք, որովհետև բռնություն ցանկացած տեսակ անթույլատրելի է: Մյուս հարցն է, որը ես իմ կարևոր գործառույթն եմ ես համարում, արդեն էլ ավելի աչալուրջ լինել, որ մենք ճիշտ կարողանանք իրականացնել մեր վերահսկողական գործառույթը, որ իրավապահ մարմինների կողմից գործողություններ իրականացնելիս չոտնահարվեն քաղաքացիների իրավունքները»,– ասաց նա:
Թաթոյանի խոսքով՝ իրենք վերջին շրջանում նկատել են բռնության դրսևորումներ. «Հրանտ Մարգարյանի հետ կապված, ՀԱԿ ակտիվիստին ծեծելը»:
Թաթոյանն ընդգծեց՝ բռնության քարոզն անընդունելի է, բայց սա չի նշանակում, որ որևէ կերպ վնաս պետք է հասցվի խոսքի ազատությանը, պաշտպանվածությանը, քննադատություններին:
Թաթոյանն անդրադարձավ նաև վարչապետ Նիկոլ Փաշինյանի հրահանգով դատարանների մուտքերը փակելու նախաձեռնությանը։
«Ինձ համար շատ մտահոգիչ էր, ես նկատեցի պաշտոնատար անձինք, ովքեր կոչ էին անում գնալ դատարան արգելափակել: Վարչապետն արեց այդ կոչը, բայց հաջորդ օրը ինքն իր արած կոչի պատասխանը տվեց»,– ասաց նա:
Թաթոյանի խոսքով՝ դատական համակարգի բարեփոխումները պետք է իրականացվեն օր առաջ:
«Դատական համակարգում կան լրջագույն խնդիրներ։ Կան դատական համակարգում խնդիրներ՝ անկախության հետ կապված, կոռուպցիոն ռիսկեր կան, առանձին դատավորներ վնասում են դատարանների հեղինակությանը իրենց վարքագծով: Ես կարծում եմ, որ դատական համակարգի այդ բարեփոխումները պետք է լինեն օր առաջ, և մենք հստակ ուրվագծենք մեր ուղղությունները, օրինակ, եթե գնում ենք անցումային արդարադատության ճանապարհով, ի՞նչ հարցեր է դա լուծելու»,– ասաց Թաթոյանը:
Ես չեմ ուզում հիմա բանակցել. Թրամփ
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
Երևանում շատ բարձր մակարդակի են մատուցողներին ներկայացվող պահանջները. Փաշինյան
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
ՀԷՑ-ը 2 միլիարդի հիմնանորոգում է իրականացնելու
Կառավարությունը սկսում է ԹՐԻՓՓ-ի վավերացումը. փաստաթուղթը կուղարկվի ՍԴ
Առաջիկա օրերին սպասվում է փոփոխական եղանակ․ ջերմաստիճանը կնվազի
Կենսաչափական նոր անձնագրերի տպագրության մեկնարկը տրված է
ԱՄՆ-ը 7 ժամ շարունակ հարվածներ է հասցրել Իրանին և վերականգնել ծովային շրջափակումը