ԵՄ-ն կշարունակի աջակցել Կիևին այնքան, մինչև հաստատվի արդար և կայուն խաղաղություն
Ուկրաինայի նախագահը և Եվրոպական խորհրդի ղեկավարը հեռախոսազրույց են ունեցել։ Անտոնիու Կոշտան հրավիրվել է Վոլոդիմիր Զելենսկուն հաջորդ շաբաթ մասնակցել Եվրոպական խորհրդի գագաթնաժողովին։ Նա տեղեկացրել է, որ հեռախոսազրույցում քննարկել են եվրաինտեգրման ճանապարհին Ուկրաինայի գրանցած առաջընթացը։
Կոշտայի խոսքով՝ ակնկալվում է, որ արդեն հաջորդ շաբաթ անդամակցության բանակցությունների շրջանակում կբացեն երկու կլաստեր, իսկ մնացածը՝ մինչև տարեվերջ։
Եվրոպական խորհրդի նախագահը մտահոգություն է հայտնել, որ Ռուսաստանն ակտիվացրել է ագրեսիվ գործողությունները, մասնավորապես՝ քաղաքացիական օբյեկտների հրթիռակոծությունը և ԵՄ երկրների դեմ հիբրիդային հարձակումները։ Նրա խոսքով՝ սա ևս մեկ անգամ ապացուցում է, որ Մոսկվան հետաքրքրված չէ իրական բանակցություններով։
«ԵՄ-ն կշարունակի աջակցել Կիևին այնքան, մինչև հաստատվի արդար և կայուն խաղաղություն։ Մոսկվան պետք է դադարեցնի պատերազմը»,- ընդգծել է Կոշտան։
Զելենսկին էլ շնորհակալություն է հայտնել եվրոպական կողմին՝ վերջերս հատկացված 1,2 միլիարդ եվրոյի ֆինանսական աջակցության համար, որի հաշվին ԱԹՍ-ներ ձեռք կբերեն և կխթանեն անօդաչու սարքերի արտադրությունը։ Անդրադարձ է եղել էներգետիկ աջակցությանը՝ հատկապես ձմռանն ընդառաջ։
Զելենսկին նաև տեղեկացրել է, որ Կիևի բանակցային թիմն առաջիկա ժամերին ԱՄՆ-ում կհանդիպի Սպիտակ տան բանագնացների հետ։ Նա ակնկալում է, որ քննարկումներին կմիանա նաև եվրոպական թիմը։
Հրապարակվել են վարորդական իրավունքի վկայական ստանալու տեսական քննության նոր հարցաշարերը
Պատգամավորները տեսակցել են Շաքիում ադրբեջանցու կրակոցից վիրավորում ստացած կնոջը և նրա երեխաներին
Ո՞վ է այսօր հեղինակություն դասարանում․ ուսուցչի օրվա մյուս կողմը
Քրեական վարույթի շրջանակում Ադրբեջանի Հանրապետության քաղաքացի Նասիմի Ռահիմ Օղլի Մուսաևը կալանավորվել...
Պարեկային 2 ծառայող վնասվածքներով տեղափոխվել է բժշկական կենտրոն, կան ձերբակալվածներ
Մենք TRIPP երթուղին մրցակից չենք համարում․ Կոբախիձե
Շնորհակալություն ձեր ամենօրյա նվիրված ու պատասխանատու աշխատանքի համար
ՆԳՆ ոստիկանության օպերատիվ խմբերը ձեռնարկում են միջոցառումներ Մինաս Ավետիսյան փողոցում տեղի ունեցած ...
ՀՖՖ մրցավարների տեսուչը և մրցավարը միջազգային նշանակումներ են ստացել
Չինաստանում երեխան ողջ է մնացել տասներորդ հարկից ընկնելուց հետո