Ռամոն Վեգան հայտարարել է ՖԻՖԱ-ի նախագահի պաշտոնում առաջադրվելու մտադրության մասին
Լոնդոնի Տոտենհեմի և Շվեյցարիայի ազգային հավաքականի նախկին պաշտպան Ռամոն Վեգան հայտարարել է ՖԻՖԱ-ի նախագահի պաշտոնում առաջադրվելու մտադրության մասին՝ դառնալով կազմակերպության գործող ղեկավար Ջանի Ինֆանտինոյի առաջին հրապարակային մրցակիցը:
«Իմ նպատակը պարզ է՝ ծառայել ֆուտբոլին և այն մարդկանց, որոնք կյանք են հաղորդում այս խաղին: Ես առաջադրվում եմ, որպեսզի միավորեմ համաշխարհային ֆուտբոլային ընտանիքը, իրականացնեմ իրական ու երկարաժամկետ բարեփոխումներ, արդիականացնեմ ՖԻՖԱ-ն 21-րդ դարի պահանջներին համապատասխան, վերականգնեմ կազմակերպության կայունությունն ու վստահությունը, ինչպես նաև վերադարձնեմ այն հավատը, որի կարիքն մեր խաղն այնքան ունի»,- Վեգայի խոսքն է մեջբերում Reuters-ը:
Առայժմ հայտնի չէ, թե կոնկրետ ով է առաջադրել Վեգայի թեկնածությունը, և արդյոք որևէ ֆեդերացիա պաշտոնապես անցկացրել է նրա առաջադրումը: Ավելի վաղ նրա հայրենի Շվեյցարիայի ֆուտբոլի ֆեդերացիան հրապարակայնորեն չեղարկել էր իր աջակցությունը Ինֆանտինոյին առաջիկա ընտրություններում:
ՖԻՖԱ-ի նախագահի ընտրությունները տեղի կունենան 2027 թվականի մարտի 18-ին Մարոկկոյում կայանալիք ՖԻՖԱ-ի Կոնգրեսի ընթացքում: Թեկնածուների հայտերի ընդունումը կշարունակվի մինչև նոյեմբերի 18-ը:
armsport.am


















































Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Գայի պողոտայում գտնվող առևտրի կենտրոններից մեկում հրդեհ է բռնկվել
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը
Գազամատակարարման վթարային դադարեցում Երևանի մի շարք հասցեներում
Գազի մատակարարումները Ռուսաստանից Հայաստան շարունակվում են բնականոն հունով