Թիկնիզյանը Պիրեայում պետք է անի այն, ինչ արեց Հայաստանում
Հայաստանի ազգային հավաքականի պաշտպան Նաիր Թիկնիզյանի վերջին ելույթները հայտնվել են հունական մամուլի ուշադրության կենտրոնում։ Լրատվամիջոցները բարձր են գնահատել 27-ամյա ֆուտբոլիստի խաղն Ազգերի լիգայում, սակայն միաժամանակ արձանագրել են, որ «Օլիմպիակոսում» նա դեռ չի կարողանում լիարժեք դրսևորել իր ներուժը։
Ավելի վաղ՝ նոյեմբերի 17-ին, Gazzetta-ի լրագրող Ալեքսիս Վիրվիլիսը «Թիկնիզյանը Պիրեայում պետք է անի այն, ինչ արեց Հայաստանում» վերնագրով վերլուծության մեջ առանձնացրել է ավագի թևկապով անցկացրած երկու ամբողջական խաղերի վիճակագրությունը․
- Կիպրոսի դեմ՝ 93 հպում գնդակին, 46 ճշգրիտ փոխանցում 50-ից, 4 առանցքային փոխանցում։
- Լատվիայի դեմ՝ 47 ճշգրիտ փոխանցում 59-ից, 4 հաղթած մենապայքար 5-ից։
Ըստ պարբերականի՝ Թիկնիզյանն ունի «Օլիմպիակոսին» օգտակար լինելու բոլոր որակները, և այժմ գլխավոր խնդիրն այդ վստահությունն ակումբային խաղեր տեղափոխելն է։
Հունական մամուլում անդրադարձ է կատարվել նաև «Օլիմպիակոսի» ձախ պաշտպանի դիրքում ստեղծված մրցակցությանը։ RedWorld-ի տեղեկություններով՝ գլխավոր մարզիչ Իմանոլ Ալգուասիլը պետք է ընտրություն կատարի Թիկնիզյանի և Բրունո Օնյեմաեչիի միջև։ Հիշատակվել է նաև նոյեմբերի 8-ին կայացած ՊԱՕԿ-ի դեմ հանդիպման (1:1) դրվագը, երբ Թիկնիզյանի և Օրտեգայի սխալից հետո Անդրիյա Ժիվկովիչը հավասարեցրեց հաշիվը։
Հունական լրատվամիջոցների գնահատմամբ՝ առաջնայինը ֆուտբոլիստի հարմարվողականության և կայունության հարցն է, իսկ ակումբի հետագա ծրագրերում հստակություն կարող է մտցնել հունվարյան տրանսֆերային պատուհանը։


















































ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՀՌՀ-ն քննադատել է Հանրայինի եթերում բռնության և վիրավորանքի ցուցադրումը
Հռոմի պապ Լևոն XIV-ն ավարտել է շրջագայությունը Պերուում
Նեմցովի սպանության համար դատապարտվածները բանտից հայտնվել են Չեչնիայում․ «Проект»
Աննա Վարդապետյանը Բուենոս Այրեսի ինքնավար քաղաքի գլխավոր դատախազ Սավալետայի հետ քննարկել է երկուստեք...
Հայ և ադրբեջանցի քաղաքացիական հասարակությունների ներկայացուցիչները կհանդիպեն Հայաստանում
Հիշեցում․ նոյեմբերի 15-ից ձմեռային անվադողերով երթևեկելը պարտադիր պահանջ է
Դոնալդ Թրամփն այս շաբաթ մեկնում է Ասիա
Ռուսաստանը հաղորդել է, որ ուկրաինական ուժերը հարվածել են Ղրիմի կամրջին
Զգուշացե՛ք․ ՆԳՆ անունից կրկին տարածվում են կեղծ հաղորդագրություններ