Ապագայում ցանկացած վերադարձ պետք է համահունչ լինի միջազգային իրավունքին․ Վարդան Օսկանյան (տեսանյութ)

Այսօր մեր առաջ դրված խնդիրն է՝ ապահովել, որ ԼՂ բնակչության ապագայում ցանկացած հնարավոր վերադարձ համապատասխանի միջազգային իրավունքին։ Այս մասին հայտարարել է ՀՀ ԱԳ նախկին նախարար Վարդան Օսկանյանը՝ ելույթ ունենալով 2025 թվականի մայիսի 26-ին՝ Շվեյցարիայի մայրաքաղաք Բեռնում «Շվեյցարիայի խաղաղության նախաձեռնությանն» աջակցող 19 պատգամավորներից կազմված միջկուսակցական հանձնախմբի միջոցառմանը։

Նախաձեռնության նպատակն էր աջակցել Շվեյցարիայի հանձնառությանը՝ «հնարավորություն տալու Ադրբեջանի և Լեռնային Ղարաբաղի հայ բնակչության ներկայացուցիչների միջև բաց երկխոսության՝ միջազգային վերահսկողության ներքո կամ միջազգային նշանակալի դերակատարների ներկայությամբ՝ բանակցելու հայ բնակչության անվտանգ և համատեղ վերադարձի շուրջ»։

«Ապագայի ցանկացած հնարավոր վերադարձ պետք է համապատասխանի միջազգային իրավունքին՝ իր բոլոր կողմերով՝ ներառյալ մարդկային իրավունքներ, հումանիտար իրավունք, անխտրականության իրավունք։ Սրանք են այն պայմանները, որոնք պետք է ապահովվեն, և այս հարթակը կոչված է ապահովելու հենց այդ մթնոլորտը»,- ասել է Օսկանյանը՝ շեշտելով այն պայմանների քննարկման կարևորությունը, որոնց դեպքում հնարավոր կլինի ապագա վերադարձը։

«Շվեյցարիան՝ որպես չեզոք երկրի երկարամյա համբավ ունեցող կողմ, բացառիկ դիրքով է օժտված առաջ մղելու այս գործընթացը»,- նշել է Օսկանյանը։

Այս թեմայով Մայիսի 28. Տոն, որին ստվեր է գցում խաթարված ինքնիշխանությունը Մեր խնդիրն է ապահովել, որ Արցախ ցանկացած վերադարձ իրականացվի միջազգային իրավունքի ամբողջական ծավալով. Օսկանյան Փաշինյանի կառավարությունը կարող է արժանանալ նաև անկախությունից ի վեր ամենակոռումպացվածի կոչմանը. Օսկանյան Այսօր Փաշինյանը դեռ ունի խաղաղ ճանապարհով հեռանալու հնարավորություն. Օսկանյան Ապրիլի 24-ին պարտավոր ենք նաև վճռական լինել՝ վերականգնելու Հայաստանի արժանապատվությունն ու ազգային նվիրական գաղափարները. Օսկանյան