Ստ. Մարգարյան. «Ապրիլի 2-ին կայանալիք ընտրությունը կլինի հակասահմանդրական». Ստեփան Մարգարյան

Այս օրերին խորհրդարանական ուժերը քննարկում են ապրիլին սահմանված խորհրդարանական ընտրությունների օրը փոխելու հարցը: «Համախմբում» կուսակցության փոխնախագահ Ստեփան Մարգարյանն այսօր ԱԺ-ում լրագրողների հետ զրույցում նշեց, որ ընտրություններն ապրիլին անցկացնելը սահմանադրական խախտում է, դա հակասահմանադրական է, ուստի իրենց խմբակցությունը գտնում է, որ օրը պետք է փոխել՝ առանց զգացմունքայնության: Այս մասին գրում է lurer.com-ը:

Ըստ Ստեփան Մարգարյանի՝ պետք չէ կառավարման նոր համակարգին անցնել նման հակասահմանադրական քայլով: Ուստի, ԱԺ ընտրությունների օրը փոխելը դառնում է առաջնային:

Նշենք, որ խորհրդարանական ընտրությունների օրը տեղափոխելու մասին ՀԱԿ-ի նախաձեռնած ստորագրահավաքին միացել են «Համախմբում» կուսակցությունը ներկայացնող բոլոր պատգամավորները, այդ թվում եւ Ստեփան մարգարյանը:

Այս թեմայով «Պետք է աշխատենք, որպեսզի քաղաքական դաշտը բևեռանա». Ստեփան Մարգարյան «Բարձրաձայն». Ընտրական դաշինքների մասին (Տեսանյութ) Ստեփան Մարգարյան. Կարեն Անդրեասյանը Սեյրան Օհանյանի հետ համագործակցությանը դեմ չի եղել