Գաջետների մշտական օգտագործումը նվազեցնում է սերմնահեղուկի որակը. հետազոտություն

Գաջետների մշտական օգտագործումը նվազեցնում է սերմնահեղուկի որակը: Այս մասին վկայում են Ամիթ Գրինի եւ նրա գործընկերների կողմից անցկացված հետազոտության արդյունքները, հաղորդում է Sciencedaily-ը:

Մասնագետների տվյալներով՝ լուսարձակող սարքերի հաճախակի ազդեցությունը կապված է սերմնահեղուկի որակի նվազեցման հետ:

«Երեկոյան եւ գիշերային ժամերին էլեկտրոնային սարքերի օգտագործումը, հեռուստացույց դիտելը նվազեցնում են սերմնահեղուկի կոնցենտրացիան: Որքանով մեզ է հայտնի, սա առաջին հետազոտությունն է, որում ասվում է սերմնահեղուկի որակի եւ կարճալիքային լույսի ազդեցության միջեւ կոռելյացիայի նման տեսակների մասին»,-ասում է Գրինը:

Հետազոտության ընթացքում մասնագետները վերլուծել են 21-59 տարեկան 116 տղամարդկանց սերմնահեղուկի նմուշները: Մասնակիցները հարցաթերթիկներ են լրացրել քնի սովորությունների եւ էլեկտրոնական սարքերի օգտագործման մասին:

Հետազոտությունը նաեւ կոռելյացիա է հայտնաբերել քնի տեւողության եւ սպերմատոզոիդների ընդհանուր քանակի ու դրանց շարժունակության միջեւ: Եվ, հակառակը, նրանց մոտ, ովքեր քիչ են քնում, նկատվել է սերմնահեղուկի ցածր որակ:

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել