Նիկոլի ընտրությունը
Ուզու՞մ եք հասկանալ նիկոլական քարոզչության էությունը, համեմատեք Մարգարիտա Սիմոնյանի ու Ալեքսեյ Նավալնու նկատմամբ հ1-ազատություն-ֆեյքազոմբիական բանակի վերաբերմունքը։ Այս մասին իր ֆեյսբուքյան էջում գրել է ՀՅԴ-ական գործիչ Բագրատ Եսայանը:
Նա մասնավորապես նշել է․
«Ռուսաստանում հուլիսին կայացած սահմանադրական փոփոխությունների քվեարկության մեկնաբանության ժամանակ Հ1-ն առաջին անգամ, որպես «հավասարակշռող» կողմ հարցազրույց վերցրեց Նավալնուց։ Հիմա հարց. ո՞վ է Նավալնին, ո՞վ է նրան «նշանակել» Պուտինի «օպոնենտ»։
Նրանք, ովքեր հետևում են արևմտյան լրատվամիջոցներին (որոնք վաղուց վերածվել են քարոզչական ու պրոպագանդիստական միասնական մեքենայի՝ Ազատություն, Եվրոնյուզ, CNN) հստակ տեսնում են, որ արևմտյան գրանտներով սնվող, Ռուսաստանում հակապուտինյան շարժում հիմնադրել փորձող, բայց ռուսական հասարակության մեջ, բացի Մոսկվայի ու Պետերբուրգի պատանիների, երիտասարդների ու ավանդաբար արևմտյան կողմնորոշում ունեցող ընդդիմադիր շրջանակներից դուրս որևէ ճանաչում չունեցող Նավալնին հետևողականորեն ներկայացվում է որպես ընդդիմության Առաջին դեմք։
Իրենից ոչինչ չներկայացնող մի խեղկատակի Արևմուտքն ու Եվրոպան հետևողականորեն փորձում են դարձնել Դեմք։ Ու Հ1-ը ընդամենը 20 օր առաջ՝ առաջին անգամ միացավ արևմտյան շահեր սպասարկող և մի կենտրոնից ղեկավարվող ագիտպրոպի մեքենային։ Եվ սա արվեց՝ լրագրության մեջ 2 կողմի «կարծիքը» ներկայացնելու «ազնիվ մղումով»՝ թքած, որ երկրորդ կողմը «նշանակվել է» անդրօվկիանոսյան հակառուսական կենտրոնի կողմից։
Իսկ ինչ կատարվեց ռուսական պաշտոնական տեղեկատվության ու քարոզչամեքենայի «համակարգող», մեր ազգակից Մարգարիտա Սիմոնյանի նկատմամբ՝ նիկոլական քարոզչամեքենայի ու ֆեյքազոմբիական բանակի կողմից, բոլորս տեսանք։
Այնպես որ, քիչ թե շատ ուղեղ ունեցող ու մտածելու ունակությունը չկորցրած անձանց համար ակնհայտ է մի բան. Նիկոլը հերթական սուտն է ասում ու փորձում է «ֆռռացնել» հայկական հասարակությանն ու ռուսական քաղաքական ղեկավարությանը, հայտարարելով, իբր «թավշյան» չուներ Հայաստանի աշխարհաքաղաքական ուղղությունը փոխելու խնդիր։ Իրականում այդ խնդիրը Նիկոլի իւ նրա տերերի կողմից դրվել է և հետևողականորեն իրականացվում է։ Բայց այս գավառական «ճարպկությունը» ախր շատ ցածրորակ է Կրեմլյան փորձառու ղեկավարությանը մոլորեցնելու համար։ Ուրեմն, հարցը նրանում է՝ կհաջողվի՞ Նիկոլին հայ հասարակությանը խաբել, թե՞ մեր հասարակությունը կմնա իր ավանդական կողմնորոշմանը»։
Երևանում խուլիգանական վարք դրսևորելու կասկածանքով ձերբակալվել է լեհական ակումբի 17 երկրպագու
Դաշտ են դուրս գալիս ձեւիստները
Ում դրոշը պետք է երեւա սահմանի այն կողմում
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Բեմ են դուրս գալիս «սոցիոլոգները»
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
61 միլիոն եվրո․ Մբապեն դատարանում հաղթել է ՊՍԺ–ին
200.000 դոլար՝ միջնորդության և 23.000 դոլար՝ կառուցապատման թույլտվության համար. Աղազարյանի գործը դատ...
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)