Հարավային Կովկասի բոլոր երկրները վնասներ են կրելու, սակայն Հայաստանն ամենաշատ վնասները կկրի․ Նադյա Դուգլաս
«Առողջապահական և տնտեսական մարտահրավերների թեստը Հարավային Կովկասի երկրները տարբեր կերպ անցան»,- CaucasusWatch-ին տված հարցազրույցում այս մասին է ասել Բեռլինի Արևելյան Եվրոպայի և միջազգային ուսումնասիրությունների կենտրոնի հետազոտող, դոկտոր Նադյա Դուգլասը՝ անդրադառնալով կորոնավիրուսային համավարակի հարուցած խնդիրներին Հարավային Կովկասի երեք երկրներում։
Նա արձանագրել է, որ մինչ ԱՀԿ-ն և այլ արևմտյան կազմակերպություններ գովեցին Վրաստանին կորոնավիրուսային համավարակի ուղղությամբ ձեռնարկված հակաճգնաժամային միջոցառումների համար, Հայաստանում և Ադրբեջանում ամենավատ սցենարները կասեցվեցին լոքդաունի և ոստիկանության ու այլ իրավապահ մարմինների մեծ ջանքերի շնորհիվ։ Դոկտոր Դուգլասը նաև նկատել է, որ երեք երկրների շարքում Հայաստանում բնակչության թվով ամենամեծ թիվն են կազմում վարակվածները և մահերը։
«Հայաստանի առողջապահական համակարգը այժմ հստակորեն սահմանագծի վրա է, և նրա վատ վիճակը ու բարեփոխումների հետին պլան մղվելը ակնհայտ դարձան ճգնաժամի ընթացքում: Այն փաստը, որ վարչապետ Նիկոլ Փաշինյանն անձամբ վարակվեց և վերջին շաբաթների ընթացքում մասսայական քննադատության ենթարկվեց ընդդիմության կողմից համաճարակի դեմ պայքարի ձախողման մեջ, ապացուցեց, որ վատ է ճգնաժամի կառավարման իմիջի համար: Բարդ հավասարակշռություն է առաջացել կառավարության աշխատանքի քննադատության և մյուս կողմից՝ կոռուպցիայի դեմ պայքարի, մեկ այլ կողմից՝ քաղաքական նպատակների համար ճգնաժամի թեման շահարկելու ու ընտրովի արդարադատություն իրականացնելու միջև: Ինչ վերաբերում է երկարաժամկետ տնտեսական հետևանքներին, չափազանց վաղ է կոնկրետ հայտարարություններ անելը։ Բոլոր երեք երկրներն էլ վնասներ են կրելու, սակայն ավելի հավանական է, որ Հայաստանը երկարաժամկետ հետևանքների տեսանկյունից ամենաշատ վնասները կկրի։ Այն չունի Ադրբեջանի ռեսուրսներն ու ֆինանսական «բարձիկը», և այն դեռ զարգացած չէ բարեփոխումների գործընթացում, որքան Վրաստանը: Հետևաբար, այն չի կարողանա իրականացնել բազմաթիվ ծրագրեր՝ տնտեսությունը խթանելու և ներդրումներ ապահովելու համար, որոնք տարվա սկզբին լավատեսորեն են սկսվել: Կզգացվի նաև արտասահմանից տրանսֆերտների անկում, որոնք կազմում են ՀՆԱ-ի 10-11%-ը Վրաստանում և Հայաստանում»,- նշել է դոկտոր Նադյա Դուգլասը։
Նա նաև ասել է, որ Վրաստանում և Հայաստանում սոցիալապես անապահով խավերին և ընկերություններին (հատկապես՝ ՓՄՁ-ներին) հատկացված պետական աջակցությունն արժանի է դրական հիշատակման: Նրա խոսքով, այս երկու երկրներում քաղաքացիական հասարակությունն ու կառավարությունը սերտորեն համագործակցել են ճգնաժամի ժամանակ և մինչ օրս էլ անում են: «Ակնկալվում է, որ կհաջողվի այդ բաց վերաբերմունքը պահպանել նաև ճգնաժամից դուրս»,- նկատել է Դուգլասը։
Աշխարհի ամենահայտնի Խորհրդարանական ծեծկռտուքները (ֆոտոշարք)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Դանիան և Շվեդիան քննադատել են Ֆինլանդիայի և Նորվեգիայի զանգը Պուտինին. Euronews
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Շենգավիթի բաժնի համայնքային ոստիկանները գողության դեպքեր են բացահայտել․ գողոնը հայտնաբերվել է
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
25-օրյա վարժական հավաքները դեռ կայացման ճանապարհ ունեն, անելիք ունենք
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում