Պետության հակառակորդները շտապում են եւ անցել են հախուռն գրոհի
Օտարերկրյա այս ու այն կազմակերպություններից սնվողները, կառավարությունում եւ խորհրդարանում տեղ գտած որոշ ուժեր հախուռն եւ լայնածավալ գրոհի են անցել: Նրանք շտապում են, նրանք հասկացել են, որ պարտվում են եւ վերջին ուժերն են նետել գրոհի:
Առաջին հայացքից թվում է, թե Հայաստանում հակառուսական շարժում է սկսվել, բայց իրականում դա մեր, հենց մեր պետության դեմ ուղղված գործողություն է: Հայ-ռուսաստանյան հարաբերությունների վատթարացումն առաջին հերթին հարվածում է հենց Հայաստան պետությանը:
Արտակարգ դրության քողի տակ, օգտագործելով կորոնավիրուսային համավարակը կառավարող ուժը ոչ միայն հակասահմանադրական ճանապարհով սահմանադրությունում փոփոխություններ է անում, գրավելով Սահմանադրական դատարանը, այլ նաեւ այլ քայլեր իրականացնում:
Մասնավորապես, ամեն ինչ անում են Հայաստանում ռուսաստանյան հեռուստաալիքների հեռարձակումը դադարեցնելու համար, բացի այդ, դպրոցներում ռուսերենը պարտադիր կդառնա ոչ թե երկրորդ, այլ երրորդ դասարանից:
Միաժամանակ դրսի աղբյուրներից սնվողները կոչեր են անում Հայաստանից հանել ռուսաստանյան ռազմակայանը, վիրավորական արտահայտություններ են արվում ՌԴ նախագահի հասցեին:
Սրանք ոչ թե հակառուսաստանյան, այլ հակահայկական գործողություններ են: Հիմա արդեն հստակ ուրվագծվում է այն շրջանակը, որոնք լծվել են այս կեղտոտ գործին: Ավելին, անգամ հայտարարում են, թե Հայաստանը Ռուսաստանի ռազմավարական գործընկերության կարիքը չունի:
Հարված հասցնել Հայաստանի պետական անվտանգությանը՝ վատթարացնելով Հայաստան-Ռուսաստան, Հայաստան-Չինաստան, Հայաստան-Իրան, Հայաստան-Վրաստան փոխհարաբերություններին, թշնամանք սերմանել արցախցիների նկատմամբ: Սա գրոհի ուղղություններից մեկն է:
Հարված հասցնել Հայ Առաքելական Եկեղեցուն, անդադար վարկաբեկել հենց եկեղեցին եւ նրա սպասավորներին, ծաղրել հավատացյալներին, դպրոցից հանել Հայ եկեղեցու պատմություն առարկան: Սա գրոհի մյուս ուղղությունն է:
Հարվածել ավանդական արժեհամակարգին, քանդել կին-տղամարդ դարերից եկած հարաբերությունները, արժեզրկել հերոսներին, այդ թվում նրանց, ովքեր ներդրում են ունեցել Արցախի ազատագրման գործում: Ակտիվ քարոզել համասեռամոլությունը... Սա էլ գրոհի մյուս ուղղությունն է:
Ամեն ինչ պարզ է, մնում է հետեւություն անի մեր հանրությունը, մնում է չլռեն քաղաքական առողջ ուժերը, եկեղեցին:
Top-News.am
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Փաշիկ Ալավերդյան․ Սա ամենամեծ հարվածն է մեր պետությանը, հայկական ծանրամարտին
Կիևի պահանջները նման են անհատակ փոսի․ Սիյարտո