Ինչպե՞ս է ձեռքերի չորացման եղանակն ազդում կորոնավիրուսի տարածման վրա

Վարակի, այդ թվում նոր կորոնավիրուսի տարածման կանխման համար կարեւոր է ոչ միայն ձեռքերը ճիշտ լվանալը, այլեւ ճիշտ չիորացնելը: Գիտնականներն այս մասին հայտնել են կլինիկական մանրէաբանության եւ վարակիչ հիվանդությունների եվրոպական կոնգրեսում, որը COVID-19-ի համավարակի պայմաններում անցկացվել է առցանց ռեժիմում:

Նոր հետազոտության հեղինակները համեմատել են թղթե սրբիչների եւ ձեռքերը օդով չորացնող սարքերի էֆեկտները, հայտնում է Forbes-ը: Վիրուսային աղտոտում խթանելու համար փորձի ժամանակ օգտագործվել են բակտերիոֆագերը՝ վիրուսներ, որոնք կարող են բակտերիաներով վարակել, բայց մարդու համար անվտանգ են:

Հետազոտության մասնակիցների ձեռքերն աղտոտել են բակտերիոֆագերով, որից հետո նրանք պետք է ձեռքերը վատ լվանային, դրանք չորացնեին թղթե սրբիչով կամ օդով չորացնող սարքի միջոցով: Դրանից հետո նրանք պետք է դիպչեին տարբեր մակերեւույթների, ներառյալ դռան բռնակները, բազրիքները, հեռախոսները, բազկաթոռների բռնակները, ինչպես նաեւ ձեռքերը քսեին հագուստին: Գիտնականներն այնուհետեւ ստուգել են այս բոլոր մակերեւույթների վրա բակտերիոֆագերի առկայությունը:

Պարզվել է, որ աղտոտված են եղել 11 մակերեւույթներ, որոնց դիպել են ձեռքերը տաք օդով չորացրած մարդիկ, եւ 6 մակերեւույթներ՝ թղթե սրբիչներով չորացրած ձեռքերով հպվելուց հետո: Ավելին՝ մակերեւույթների վրա վիրուսների խտությունը 10 անգամ ավելի էր ձեռքերի համար չորացնող սարքերի օգտագործումից հետո:

Այսպիսով, մասնագետները խորհուրդ են տալիս ձեռքերը չորացնել, այնուամենայնիվ, թղթե սրբիչներով, հատկապես հիմա՝ COVID-19-ի համավարակի պայմաններում:

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել