Տրվել է Հայաստանից Ղազախստան տարվող մեքենաների օրինականացման գործընթացի մեկնարկը. kolesa.kz

Ապրիլի 16-ին ուժի մեջ կմտնի Ղազախստանի ներքին գործերի նախարարի` Ղազախստանում տրանսպորտային միջոցների գրանցման կանոններում փոփոխություններ մտցնելու մասին որոշումը: Այս մասին գրում է kolesa.kz կայքը:

Համաձայն փաստաթղթի՝ ժամանակավորապես Ղազախստան բերված տրանսպորտային միջոցների պետական գրանցումն այլևս առաջնային չի համարվի: Դա նշանակում է, որ ԵԱՏՄ երկրներից, մասնավորապես Հայաստանից բերված մեքենաների ժամանակավոր գրանցման համար ղազախստանցիներն այլևս առաջնայնության գումար չեն վճարելու: Այդ վճարը կազմում է մինչև 1,4 միլիոն տենգե (մոտ 3300 դոլար): Հենց այս վճարի մեծ չափն էր շատ ղազախստանցիների ստիպում հրաժարվել իրենց մեքենաներն օրինականացնելու մտքից:

Հայաստանում գրանցված մեքենաների սեփականատերերին մնում է միայն սպասել որոշմանը (որը կարող է ընդունվել այս տարվա մայիս-հունիս ամիսներին), ինչը թույլ կտա ժամանակավորապես գրանցել մեքենաները Ղազախստանում քիչ թե շատ փոխշահավետ պայմաններով: Փաստաթուղթը դեռևս գտնվում է պատրաստման փուլում:

Վերադառնալով ՆԳ նախարարի հրամանին՝ ապրիլի 16-ից տրանսպորտային միջոցները Ղազախստանում գրանցելիս հատուկ կնշվի ԵԱՏՄ այն երկրի անվանումը, որտեղից եկել է մեքենան. Ռուսաստանի Դաշնությունից՝ ТС РФ, Հայաստանի Հանրապետությունից` ТС РА, Բելառուսից` ТС РБ, Ղրղզստանից` ТС КР: