ԱՄՆ պատժամիջոցները «տնտեսական եւ բժշկական» ահաբեկչություն են

Իրանի ԱԳ նախարար Մոհամմադ Ջավադ Զարիֆը կորոնավիրուսի համավարակի ժամանակ Թեհրանի դեմ ԱՄՆ պատժամիջոցները որակել է «տնտեսական եւ բժշկական» ահաբեկչություն, նրա խոսքով՝ այդ միջոցառումները հանգեցնում են երկրում հումանիտար աղետի:

«Ամերիկյան կառավարության մասշտաբային պատժամիջոցների հետ կապված Իրանի ֆինանսական աղբյուրների անօրինական արգելափակման պատճառով անհնարին է դառնում դեղերի եւ բժշկական սարքավորումների ձեռքբերումը: Սա տանում է հումանիտար աղետի»,- նշել է Զարիֆը «Կոմերսանտում» հրապարակված հոդվածում:

Նա հիշեցրել է, որ Իրանի դեմ սահմանված բանկային եւ ֆինանսական հատվածներում սահմանափակումները հարված են հասցնում հումանիտար նպատակներով ապրանքների գնմանը, տարբեր երկրների բանկեր խուսափում են Իրանի հետ գործարքներից՝ բախվելով ամերիկյան պատժամիջոցների սպառնալիքին:

«Բժշկական սարքավորումներ արտադրող եվրոպական ընկերությունները ամերիկյան սպառնալիքների պատճառով Իրանի հետ առեւտուր չեն անում եւ նրան բժշկական ապրանքներ չեն վաճառում: Միացյալ Նահանգների պատժամիջոցները տարածվում են օրինական առեւտրի վրա: Ընդ որում՝ ամերիկացի պաշտոնատար անձանց վերջին նախապայմանները դեղերի, բժշկական սարքավորումների եւ հումանիտար ապրանքների վաճառքի արգելքի վերաբերյալ լուրջ խոչընդոտներ են ստեղծում Իրանում COVID-19-ի տարածման դեմ պայքարի ջանքերի համար: Այսպիսով՝ Իրանի դեմ ԱՄՆ տնտեսական եւ բժշկական ահաբեկչությունը տարատեսակ ձեւեր է ընդունել»,- նշել է Իրանի ԱԳ նախարարը:

Նրա խոսքով՝ այսպիսի գործողությունները «իրավունքի տեսակետից ոչ միայն ահաբեկչություն են Իրանի դեմ, այլեւ հանցագործություն մարդկության եւ համաշխարհայինն հանրության դեմ»:

«Ներկայիս զգայուն պահին միակ օգտակար գործը, որն Ամերիկան կարող է անել, կորոնավիրուսի դեմ Իրանի պայքարին չխանգարելն է եւ միջազգային օգնությունը առաքելու գործում խափանումներ չստեղծելը... Համաշխարհային հանրությունը պետք է ուշքի գա եւ Իրանին օգնի՝ կասեցնելու տնտեսական, բժշկական եւ դեղորայքային ահաբեկչությունը»,- ընդգծել է Զարիֆը:

Այս թեմայով ԱՄՆ-ը պատժամիջոցներ է սահմանել Իրանի հետ կապված ընկերությունների նկատմամբ Թրամփը չի խոչընդոտի Ֆրանսիային՝ Իրանին բժշկական նյութեր մատակարարելու հարցում. TACC Իրանի Ազգային անվտանգության բարձրագույն խորհրդի ղեկավարը հայտնել է, որ Թրամփը կորոնավիրուսից ավելի վտանգավոր է. Tasnim Խամենեին մերժել է կորոնավիրուսի դեմ ԱՄՆ-ի առաջարկած օգնությունը Իրանը չի կարողանում եվրոպական արտադրողներից բժշկական սարքավորումներ գնել՝ ԱՄՆ պատժամիջոցների պատճառով, սա մարդկության դեմ հանցագործություն է