Aston Martin Valkyrie սուպերքարը հայտնվել է ընդհանուր օգտագործման ավտոճանապարհի վրա

Aston Martin Valkyrie-ն արդեն փորձարկվել է վազքուղու վրա եւ այժմ այն հայտնվել է ընդհանուր օգտագործման ավտոճանապարհի վրա: Փորձարկումները տեղի են ունենում բրիտանական Նորթհեմփթոնշիրում` Սիլվերսթոն մայրուղուց քիչ հեռու, փոխանցում է Motor-ը:

Valkyrie-ն մշակվել է Aston Martin-ի կողմից` Red Bull Advanced Technologies-ի եւ AF Racing-ի հետ համատեղ: Սուպերքարը հագեցած է 1,146 ձիաուժ հզորությամբ 6.5 լիտրանոց V12 հիբրիդային շարժիչով: Ընկերությունում ավտոմեքենայի դինամիկան դեռ չեն բացահայտում:

Ավելի վաղ հաղորդվել էր, որ մոդելը թողարկվելու է սահմանափակ քանակով` 150 օրինակ, յուրաքանչյուրը 4.5 միլիոն դոլար արժողությամբ: Ընդ որում, իսկզբանե նախատեսվում էր նույնիսկ ավելի փոքր խմբաքանակ հավաքել` 24 կամ 59 ավտոմեքենա, բայց ավելի ուշ պարզվել էր, որ պահանջարկը հինգ եւ նույնիսկ վեց անգամ գերազանցում է առաջարկը: Aston Martin-ում հայտարարել էին, որ իրենք տեսականորեն կարող էին նաեւ 1000 նախնական պատվեր հավաքել, սակայն թողարկման ծավալները, այնուամենայնիվ, չավելացրեցին: