Փաշինյանը կորցրել է իրականության զգացումը
Աշխարհում, այդ թվում տարածաշրջանում գերկարեւոր եւ կտրուկ իրադարձություններ են տեղի ունենում, կորոնավիրուսը չի նահանջում, նավթի գները շեշտակի անկում են ապրում, իսկ Նիկոլ Փաշինյանն իր իմքայլականներին եւ Հայաստանին կեղծ օրակարգ է պարտադրել եւ ներքաշել անհասկանալի եւ վտանգավոր հանրաքվեի մեջ:
Ֆուտբոլի Իտալիայի առաջնությունը պաշտոնապես ժամանակավորապես դադարեցվել է: Նրանք, ովքեր քիչ թե շատ հասկանում են ֆուտբոլից, գիտեն, որ պատմության մեջ նման որոշում Իտալիայում երբեւիցէ չի կայացվել: Հիմա դրա անհրաժեշտությունը կա եւ որոշումը կայացվել է:
Նիկոլ Փաշինյանը, ցավոք, կողքին չունի գոնե մեկին, որը նրան կհուշի, որ հանրաքվեն գոնե պետք է հետաձգվի, իսկ ավելի ճիշտ կլինի, եթե չեղարկվի: Նախ, հիմա հանրաքվեի ժամանակ չէ, հաշվի առնելով տարածաշրջանում եւ ամբողջ աշխարհում տեղի ունեցող իրադարձությունները, եւ բացի այդ, այն, մեր մեջ ասած, հակասահմանադրական է:
Եթե իտալացիները կարողանում են դադարեցնել ֆուտբոլի Իտալիայի առաջնությունը, ապա Փաշինյանն էլ պետք է կարողանա օրակարգից հանել հանրաքվեն: Փոխարենն արդեն իսկ ականատես ենք լինում տարօրինակ իրադարձությունների: Իրանի հետ անմիջական սահմանին իմքայլականները մարդկանց խիտ կուտակումներ են սարքում, այնտեղ ներքաշելով նաեւ դպրոցականներին:
Ո՞վ է այս խենթության բեմադրիչը, իհարկե, Նիկոլ Փաշինյանը, որն ամբողջովին կտրվել է իրականությունից: Լինենք մինչեւ վերջ անկեղծ, այս իրավիճակում արձակուրդ վերցնող եւ ընտրարշավ-ընտրարշավ խաղացող վարչապետը լրջագույն խնդիր է պետության համար:
Ռուս-թուրքական հարաբերություններում առկա կտրուկ լարվածությունը, կորոնավիրուսի տարածման աննախադեպ մասշտաբները, նավթի միջազգային գների անկումը, ադրբեջանական ագրեսիվ գործողությունները Հայաստանի հյուսիս-արեւելյան սահմանների մատույցներում եւ ԱՄՆ պետքարտուղարության կոչը ամերիկացիներին՝ չայցելել Արցախ եւ Հայաստանի սահմանային շրջաններ, պղնձի գների անկումը բավական են, որ վարչապետը հրաժարվի ոչ միայն արձակուրդ գնալու մտքից, այլ նաեւ հանրաքվե անցկացնելուց:
Իսկ ինչի ենք մենք ականատես: Փաշինյանը պատրաստվում է գնալ Սյունիք եւ քարոզարշավ անել: Իսկ ո՞վ է զբաղվելու պետության ամենակարեւոր եւ մեր անվտանգությանը վերաբերող հարցերով:
Հասել ենք մի սահմանի, որից այն կողմ անցնելուց հետո գուցե եւ վերադարձի ճանապարհ չունենանք: Այս իրավիճակում լռելը, մեղմ ասած, ճիշտ չէ: Չի կարելի հանուն նեղ անձնական եւ նեղ թիմային շահերի լռել եւ կողքից հետեւել այս խենթությանը:
Վարդան Մխիթարյան
Top-News.am
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...