Cadillac-ը կներկայացնի իր առաջին էլեկտրամոբիլը

Cadillac-ի պատմության մեջ էլեկտրական ուժային սարքով առաջին մոդելն առաջիկայում կներկայացվի Նյու Յորքի ավտոսրահում, գրում է Motor-ը։

Ավտոմեքենաների դիլերների ազգային ասոցիացիայի հերթական համագումարում Cadillac-ի ղեկավար Սթիվ Քարլայլը պատմել է, որ առաջին էլեկտրամոբիլի շնորհանդեսը տեղի կունենա այս տարվա ապրիլին՝ Նյու Յորքի ավտոսրահում։ Կդառնա արդյոք առաջին էլեկտրաքարի պրեմիերան Cadillac-ի հիմնական ցուցանմուշների մաս, թե այն կլինի առանձին միջոցառում, դեռեւս գաղտնիք է։ Թոփ-մենեջերը նաեւ նշել է, որ ապրանքանիշը մեծ ծրագրեր ունի՝ կապված ներքին այրման շարժիչներից էլեկտրամոբիլների անցնելու հետ։

«Մենք թեւակոխում ենք նոր տասնամյակ ներքին այրման շարժիչներով, իսկ դրանից պետք է դուրս գանք էլեկտրական ուժային սարքերով։ Սակայն դրա համար մենք ստիպված կլինենք որոշ ժամանակ գոյատեւել միաժամանակ ե՛ւ մեկով, ե՛ւ մյուսով»,- ասել է Քարլայլը։ Շրջանառվող լուրերի համաձայն, Cadillac-ի առաջին էլեկտրաքարը պետք է ներկայացվեր այս տարվա սկզբին՝ CES ցուցահանդեսում, սակայն շնորհանդեսը ստիպված են եղել հետաձգել, որովհետեւ անցյալ աշնան գործադուլների պատճառով քրոսովերը պատրաստ չի եղել։

Այս թեմայով 2019-ին ձեռք բերված, բայց ՀՀ չներմուծված մեքենաների մաքսազերծման համար մարդիկ պետք է դիմեն ՊԵԿ մինչեւ այսօր ժամը 23։59 Rolls-Royce-ի սեփականատերերն իրենց սոցցանցն ունեն Երկրորդական շուկայում ամենաշատ վաճառված մեքենաների թվով Թուրքիան աշխարհում 5–րդն է Նոր Chevrolet Corvette-ը «թռչող» ռեժիմ ունի Գերմանիայում կկառուցվի Եվրոպայում «Tesla» էլեկտրական մեքենաներ արտադրող առաջին գործարանը. Դատարանը թույլատրել է դրա համար անտառ հատել