Իդլիբում թուրք զինվորական է զոհվել

Իդլիբի շրջանում հրաձգության հետեւանքով Թուրքիայի զինծառայող է զոհվել։ Այս մասին շաբաթ օրը հայտնել է Թուրքական Գազիանտեպ շրջանի վարչակազմը, հայտնում է ՏԱՍՍ-ը։

«Ռեժիմի (Սիրիայի նախագահ Բաշար Ասադի) ուժերի կողմից արձակված արկի պայթելու հետեւանքով Իդլիբի շրջանում զոհվել է մեր զինվորականը»,- ասվում է Twitter-ում տեղադրված հաղորդագրության մեջ։

Իդլիբում իրավիճակը կտրուկ սրվել է այն բանից հետո, երբ ռուսական ու թուրքական զինվորականները նախաձեռնեցին լռության ռեժիմ սահմանելու հերթական փորձը, սակայն ահաբեկիչները միայն ուժեղացրեցին իրենց գրոհները, որոնց հետեւանքով զոհվեցին զինվորական մասնագետներ՝ ՌԴ-ից եւ Թուրքիայից։ Սիրիական բանակը նախաձեռնեց պատասխան գործողություններ ծայրահեղականների դեմ՝ փետրվարի 5-ին վերցնելով Սարակիբ քաղաքը։

Փետրվարի 11-ի առավոտյան սիրիական ընդդիմությունը, որին աջակցում է Թուրքիան, երկու՝ Սարակիբի եւ Նեյրաբի ուղղություններով մասշտաբային գրոհներ են սկսել Սիրիայի զորքերի դեմ։ Ընդդիմության հարձակումն ընթացել է թուրքական հրետանու հզոր կրակահերթի ներքո։ Մարտերին ակտիվորեն մասնակցել են «Ջեբխատ ան Նուսրա» ահաբեկչական կազմակերպության կողմնակիցները։ Սիրիական բանակի ջոկատները հետ են մղել այդ գրոհները։ Գրոհայինները մարդկային զգալի կորուստներ են կրել։

Այս թեմայով Հալեպի նահանգային իշխանություններն այցել են ՀՀ գլխավոր հյուպատոսություն ԱՄՆ-ն դատապարտում է Սիրիայում արմատական ​​ահաբեկիչների իրականացրած սպանությունները. Մարկո Ռուբիո Հարյուրավոր սիրիացիներ բռնությունից ապաստան են գտել Լաթաքիայի ռուսական ավիաբազայում. Reuters Պուտինը, Մերկելը, Էրդողանը և Մակրոնը Սիրիայի հարցով քառակողմ հանդիպում կունենան Սիրիական բանակը մասամբ ազատագրել է Իդլիբը