Դուք ինչո՞վ եք զբաղված
Երեկ գրեթե ամբողջ օրը պատգամավորների մի խումբը բամբասում էր մյուսից, իսկ այն մյուս խումբը՝ բոլորից: Այնքան անկեղծացան, որ քիչ էր մնում պատմեին, թե մի անգամ Բեյրութում...
Մի խոսքով, ՀՀ ԱԺ պատգամավորներ, հավատացեք, որ ոչ մեզ, ոչ հանրությանը, այդ թվում նույնիսկ հնդկական սերիալների սիրահարներին բացարձակ չի հետաքրքրում, թե դուք ում հետ եք թեյ կամ սուրճ խմել, ում հետ եք սուշի կամ պոնչիկ կերել, ում հետ եք հարբել եւ լուսանկարվել: Հավատացեք, մենք եւս գիտենք, թե ով ում հետ ինչ է կերել եւ ինչ պայմանավորվել, բայց հասուն եղեք եւ մասնավոր զրույցները, մասնավոր զրույցների մասին տեղեկությունները մի հրապարակեք: Այսպես քաղաքական պայքար չեն մղում: Այսպես գցում են միայն պետության հեղինակությունը, պետական ինստիտուտների արժեքը:
Մեր հասարակությանը ձեր բամբասանքներն ու ինտրիգները չեն հետաքրքրում: Հասարակությունը խճճվել է խնդիրներից, խեղդվում է խնդիրներից: Օրվա հացի համար կռիվ տվող մարդը սպասում է, թե երբ է տնտեսական իրական փոփոխություն լինելու, որ մի քիչ շունչ քաշի: Իսկ դուք բամբասում եք միմյանցից, լռում եք առկա խնդիրների մասին, քանի որ բացարձակ կախվածություն ունեք մեկ մարդու տրամադրությունից:
Դուք կորցրել եք իրականության զգացումը: Դուք պահանջում եք ձեզ հետ դուք-ով խոսել, գերագնահատում եք ձեր անձը, բայց զբաղված եք կենցաղային ցածր մակարդակի քննարկումներով, վեճերով եւ բամբասանքներով:
Հայաստանում ամեն օր, բառիս բուն իմաստով, ապստամբություն է տեղի ունենում: Փողոց են դուրս գալիս անասնապահները, գինեկոլոգները, գյուղացիները, բիզնեսով զբաղվողները: Գրեթե ամեն օր փողոց է փակվում, ամեն օր կառավարության շենքի մոտ բողոքի գործողություններ են, իսկ դու ինչո՞վ եք զբաղված:
Եթե ձեզ չեք կարողանում կողքից տեսնել, ապա հուշենք. դուք բամբասում եք, քծնում, հնարավորին չափ քծնում ձեր առաջնորդին, նրան աստիճանաբար վերածելով Լեոնիդ Իլյիչ Բրեժնեւի, դուք սուրճի բաժակ եք նայում, գուշակություններ անում, որոշում ում բախտն ինչպես է դասավորելու:
Եւ մի քիչ էլ այսպես, ու դուք հասկանո՞ւմ եք, որ ձեզ հետ այլեւս սուրճ խմող չի լինելու, եւ ոչ միայն այն պատճառով, որ այնքան խոհեմություն չունեք, որ զբաղված եք մասնավոր զրույցների հրապարակմամբ, այլ նաեւ հարյուրավոր այլ պատճառներով: Ձեզ հետ սուրճ խմող չի լինելու, դե իսկ ընտրազանգվածի մասին այլեւս խոսելն էլ ավելորդ է:
Գեղամ Նազարյան
Top-News.am
Աշխարհի ամենահայտնի Խորհրդարանական ծեծկռտուքները (ֆոտոշարք)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Հանրությանը մոլորեցնելու նպատակ ունեցող ապատեղեկատվություն
Եվրահանձնաժողովն իր աջակցությունն է հայտնել Լեհաստանի վարչապետին
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ