Ի՞նչ արժի շքեղ Bugatti Veyron հիպերքար պահելը (տեսանյութ)

Ամերիկյան գործարար Մենի Հոշբինը, որը անշարժ գույքի ոլորտում բիզնեսով է զբաղվում, հայտնել է Bugatti Veyron հիպերքարի վրա հսկայական ծախսերի մասին, հայտնում է Autonews-ը։

Հոշբինն ունի երկու Veyron, որը 10 տարվա ընթացքում թողարկվել է 450 հատ։ Նախ՝ գործարարը նշել է, որ Bugatti-ն խորհուրդ է տալիս ամեն տարի փոխել բոլոր տեխնիկական հեղուկները։ Պրոցեդուրան, կապված աշխատանքի բարդության հետ, արժի 25 000 դոլար։ Ավտոմեքենայում կա ընդհանուր 16 խցան, որոնց հասնելու համար մեխանիկները պետք է հանեն հետին թեւերը, անվադողերը եւ արգելակման մեխանիզմները։

Երկրորդ՝ Bugatti Veyron-ի սեփականատերը երկու տարին մեկ պետք է փոխի անվադողերը, որոնց նոր կոմպլեկտը 38 000 դոլար արժի։ Վերջապես, ավտոարտադրողը խորհուրդ է տալիս յուրաքանչյուր 16 000 կիլոմետրից հետո փոխել հենց անիվները, որոնք արժեն 50 000 դոլար։ Այսպիսով, երկու տարում Bugatti Veyron ունեցողը պետք է միջինը 100 000 դոլար ծախսի։

Հոշբինն ընդգծել է, որ Veyron-ի սերունդ հանդիսացող Chiron հիպերքար պահելը շատ ավելի էժան է նստում։ Օրինակ, դրա անվադողերի կոմպլեկտն «ընդամենը» 8 000 դոլար արժի։