Դուխով եւ հպարտ թանկացումներին ընդառաջ
Հունվարի 1-ից երրորդ երկրներից ներմուծվող 699 ապրանքատեսակի դեպքում սկսում են գործել ԵՏՄ մաքսային դրույքաչափերը, ինչը ենթադրում է այդ ապրանքների գնաճ։ Իհարկե, շատ ապրանքատեսակների գնաճն իրենց վրա կզգան շատ քչերը, մասնավորապես նրանք, ովքեր կահույք կամ երաժշտական գործիք կգնեն: Այսուհանդերձ գոյություն ունեն այնպիսի ապրանքատեսակներ, որոնց հետ Հհ քաղաքացին առնչվում է գրեթե ամեն օր:
Բան այն է, որ թանկանալու են առաջին անհրաժեշտության բազմաթիվ ապրանքատեսակներ: Հավի, տավարի սառեցրած մսի ներմուծման դեպքում մաքսատուրքը կբարձրանա 2,5-3, կաթնամթերքի եւ կարագի դեպքում՝ 2, մարգարինի՝ 12, բրնձի՝ 3, արեւածաղկի ձեթի՝ 2, շինանյութի, ցեմենտի եւ դրա հավելումների դեպքում՝ 3 տոկոսով։
Հիմա հաշվեք, թե մաքաստատուրքի բարձրացումը որքան կանդրադառնա ապրանքների գների վրա եւ հիշեք իշխանությունների հպարտ հայտարարությունները աշխատավարձերի կամ կենսաթոշակի տասը տոկոսանոց աճի մասին:
Թանկանալու են նաեւ դեղերը, եթե այն ներմուծված է երրորդ երկրներից: Այս ամենը, բնականաբար, չի կարող ուրախացնել ՀՀ քաղաքացուն, որի իրական եկամուտները չեն աճում, իսկ գները թանկանում են: Անգամ պաշտոնական տվյալներով, արդեն իսկ գնաճը հասել է հինգ տոկոսի: Կարելի է կռահել, որ հունվարից այս ցուցանիշն անշեղորեն աճելու է, իսկ մենք, ավելի ճիշտ կառավարությունը շարունակում է խոսել տասը տոկոսով կենսաթոշակները բարձրացնելու մասին:
Առանձնապես ուրախանալու առիթ չունեն նաեւ գյուղատնտեսությամբ զբաղվողները: Գյուղատնտեսական մթերքների, կենդանիների կերերի, հացահատիկի, հացահատիկի սերմնացուի մաքսազերծման համար սահմանին ներմուծողները կվճարեն 3-4, իսկ պարարտանյութեր ներմուծողները՝ 2,5-4 տոկոսով ավելի։
Քաջածանոթ լինելով հայ առեւտրականի, բիզնեսմենի հոգեբանությանը, դժվար չէ կռահել, թե տեղական շուկայում գյուղացու վրա որքան թանկ կնստի սերմացուի կամ պարարտանյութերի համար:
Այսքանից հետո դժվար է ասել, թե կառավարությունն ինչ խոսքեր է գտնելու ՀՀ քաղաքացիներին ոգեւորելու եւ քաջալերելու համար, երբ համառ խոսակցություններ են պտտվում, որ թանկանալու է նաեւ գազը:
Աննա Բաղդասարյան
Top-News.am
«Բարով-խերով գնամ Թուրքիա գամ, հետո իրանց կասեմ` փիղն ինչ թռչուն է»
Փոխվում է դեպի Վրաստան և հակառակ ուղղությամբ ոչ կանոնավոր ուղևորափոխադրումների կարգը
Իրանը գրոհել է իսրայելական կործանիչների բազաները
Իսրայելն անօդաչու թռչող սարքեր է արձակել Նախիջևանից և Ղարաբաղից. Իրանցի քաղաքագետ
«Այն, ինչ կատարվում է Սամվել Կարապետյանի ու նրա ընտանիքի նկատմամբ, ամոթալի և անթույլատրելի է». ՀՀ նա...
Ռազմիկ Մկրտչյանին փոխարինողը՝ սկանդալում
Սա կարող է ծանր հետևանքներ ունենալ Փաշինյանի համար. Ֆրանց Կլինցևիչ
Ռուսաստանի ԱԳՆ-ն մեկնաբանել է «Հայաստանի էլեկտրական ցանցերը» ազգայնացնելու Փաշինյանի առաջարկը
Պատրաստ ենք հարձակման անցնել Իրանի դեմ. Քրդստանի ազատության կուսակցության առաջնորդ
Սամվել Կարապետյանի հայտարարությունից հետո Փաշինյանն իր մոտ է կանչել Հայկ Կոնջորյանին