Խոլեստերինի անսպասելի օգուտը

Խոլեստերինն անհրաժեշտ է ինսուլինի արտադրության համար պատասխանատու ընկալիչի ակտիվացման համար՝ պարզել են Լունդի (Շվեդիա) եւ Շարջայի (ԱՄԷ) համալսարանների գիտնականները: Նրանց հետազոտությունների արդյունքները հրապարակվել են Molecular and Cellular Endocrinology ամսագրում:

Մասնագետների խոսքով՝ ինսուլինն արյան մեջ գլուկոզայի մակարդակի հիմնական կարգավորողն է, եւ դրա ազատման համար առանցքային դեր է խաղում GPR183 ընկալիչը: Նշվում է, որ այն ակտիվանում է, երբ կապվում է լյարդի կողմից արտադրված խոլեստերինի մետաբոլիտներից մեկի հետ:

Հետազոտության ղեկավար Ալբերտ Սալեխիի խոսքով՝ եթե գիտնականներին հաջողվի ակտիվացնել այդ ընկալիչը, ապա հնարավոր կլինի դեղամիջոցների հայտնվելը, որոնք կխթանեն խոլեստերինի ցածր մակարդակ ունեցող մարդկանց մոտ ինսուլինի արտադրմանը:

Մասնագետների խոսքով՝ հետագայում այդ բացահայտումը կարող է խանգարել ախորժակի մեծացմանը: Խոլեստերինի բարձր մակարդակի դեպքում արտադրվում է նաեւ «հատուկ մետաբոլիտ», ինչի հետեւանք է ինսուլինի բարձր արտադրությունը: Դա հանգեցնում է քաղցի հայտնվելուն եւ քաշի կորստին: Հետազոտության նպատակը մետաբոլիտի հետ ընկալիչի կապն արգելափակելու միջոց գտնելն է:

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել