Բժիշկը դոնորական սերմնահեղուկի փոխարեն գաղտնի օգտագործել է իր սեփական սերմնահեղուկը

ԱՄՆ Կոլորադո նահանգից Չերիլ Էմմոնսը դատի է տվել Կոլորադոյի հիվանդանոցի բժշկին, քանի որ վերջինս, Էմմոնսի խոսքով, սեփական սերմնահեղուկն օգտագործել է անանուն դոնորի սերմնահեղուկի փոխարեն:

Ինչպես հայտնում է The Mirror-ը, Չերիլը բժիշկ Փոլ Ջոնսի մոտ 1980 եւ 1985 թվականներին արհեստական բեղմնավորման պրոցեդուրա է անցել եւ 2 աղջիկ ծնել:

Աղջիկները չեն իմացել, որ ծնողներն իրենց ունեցել են արհեստական բեղմնավորման միջոցով, սակայն Ամանորի նախաշեմին աղջիկներից մեկը նամակ է ստացել անծանոթից, որը հայտարարել է, որ իրենք նման են միմյանց: Նա ասել է, որ իր հայրը սերմնահեղուկի դոնոր է եղել այդ նույն կլինիկայում: Բացի այդ, անծանոթը գրել է, որ ճանաչում է 3 կնոջ եւ մեկ տղամարդու, որոնց ծնողները եւս օգտվել են դոնորական սերմնահեղուկից այդ նույն կլինիկայում:

Ծնողները ստիպված են եղել խոստովանել քույրերին, որ իրենք օգտվել են արհեստական բեղմնավորումից, քանի որ տղամարդու մոտ ամորձիների քաղցկեղից հետո ֆերտիլության հետ կապված խնդիրներ են առաջացել: Քույրերը պարզել են, որ իրենց ԴՆԹ-ն համընկել է 8 անծանոթ մարդկանց ԴՆԹ-ների հետ, որոնք ծնվել են 1976 եւ 1997 թվականների միջեւ ընկած ժամանակահատվածում:

Երբ ընտանիքը հարցեր է ուղղել Ջոնսին, նա հրաժարվել է պատասխանել եւ հարցերը «կոպիտ» անվանել: Էմմոնսը դատի է տվել Ջոնսին: Նա հայտարարել է, որ բժիշկն օգտագործել է սեփական սերմնահեղուկն անանուն դոնորի սերմնահեղուկի փոխարեն:

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել